اقتوبەدە الاياق ءبىر تاۋلىككە جالداعان پاتەرىن باسقالارعا ءبىر ايعا بەرىپ وتىرعان، دەپ حابارلايدى “ادىرنا” ۇلتتىق پورتالى Polisia.kz. سايتىنا سىلتەمە جاساپ.
30 جاستاعى ەر ادام ءۇش تاۋلىككە پاتەر جالداپ، كەيىن سۋرەتتەرىمەن ۇزاق ۋاقىتقا جالعا بەرىلەدى دەپ حابارلاما بەرگەن.
باسپانا ىزدەگەن ادامدار حابارلاسقان ۋاقىتتا ەر ادام ساۋدالاسپاي، پاتەر اقىسىن الدىن الا الىپ، باسقالارعا بىردەن پاتەردى جالعا بەرىپ وتىرعان.
35 جاستاعى جەرگىلىكتى تۇرعىن سايتتاعى حابارلامانى كورىپ، پاتەردى 60 مىڭ تەڭگەگە جالداپ تۇرۋعا كەلىسەدى. بىراق پاتەر يەسىنىڭ باسقا ادام ەكەنىن بىلمەگەن.
پوليتسيا قىزمەتكەرلەرى جەدەل ءىس-شارالار بارىسىندا الاياقتى انىقتاپ، ۇستادى. ەر ادام وسىعان دەيىن ءۇش ادامدى الداعانى انىقتالدى.
اتالعان دەرەك نەگىزىندە قازاقستان قىلمىستىق كودەكسىنىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋ امالدارى باستالدى.
كۇدىكتىنىڭ مۇلكى تاركىلەنىپ، ءۇش جىلدان جەتى جىلعا دەيىن باس بوستاندىعىنان ايىرىلۋى مۇمكىن.
”ادىرنا” ۇلتتىق پورتالى
