Aqtöbede alaiaq bır täulıkke jaldaǧan päterın basqalarǧa bır aiǧa berıp otyrǧan, dep habarlaidy “Adyrna” ūlttyq portaly Polisia.kz. saityna sılteme jasap.
30 jastaǧy er adam üş täulıkke päter jaldap, keiın suretterımen ūzaq uaqytqa jalǧa berıledı dep habarlama bergen.
Baspana ızdegen adamdar habarlasqan uaqytta er adam saudalaspai, päter aqysyn aldyn ala alyp, basqalarǧa bırden päterdı jalǧa berıp otyrǧan.
35 jastaǧy jergılıktı tūrǧyn saittaǧy habarlamany körıp, päterdı 60 myŋ teŋgege jaldap tūruǧa kelısedı. Bıraq päter iesınıŋ basqa adam ekenın bılmegen.
Polisiia qyzmetkerlerı jedel ıs-şaralar barysynda alaiaqty anyqtap, ūstady. Er adam osyǧan deiın üş adamdy aldaǧany anyqtaldy.
Atalǧan derek negızınde Qazaqstan Qylmystyq kodeksınıŋ 190-baby 3-bölıgı (Alaiaqtyq) boiynşa sotqa deiıngı tergeu amaldary bastaldy.
Küdıktınıŋ mülkı tärkılenıp, üş jyldan jetı jylǧa deiın bas bostandyǧynan aiyryluy mümkın.
”Adyrna” ūlttyq portaly
