«ۇلتتىق قاۋىپسىزدىك كوميتەتى تىڭشىلىق جاسادى، مەملەكەتكە وپاسىزدىق جاسادى، مەملەكەتتىك قۇپيالاردى زاڭسىز جيناۋ جانە جاريا ەتتى دەگەن كۇدىكپەن ءبىر توپ ادامدى، ونىڭ ىشىندە شەت مەملەكەتتىڭ ازاماتىن ۇستادى.
قىلمىستىق كودەكستىڭ 175-بابىنىڭ 1-بولىگى (مەملەكەتكە وپاسىزدىق), 176-بابى (تىڭشىلىق) جانە 185-بابىنىڭ 3-بولىگى (مەملەكەتتىك قۇپيالاردى زاڭسىز جيناۋ جانە جاريا ەتۋ) بويىنشا قىلمىستىق ءىس قوزعالدى.
تەرگەۋ سوتى ءبىر توپ ادامعا قاتىستى قاماۋعا الۋ تۇرىندەگى بۇلتارتپاۋ شاراسىن تاڭداعانى اتاپ ءوتىلدى.
«قىلمىستىق ىستەر «قۇپيا» ساناتىنا جاتقىزىلادى، سوعان بايلانىستى تەرگەۋ مۇددەسى ءۇشىن باسقا مالىمەتتەر جاريالانبايدى»، - دەپ تولىقتىردى ۇقك ءباسپاسوز قىزمەتى.
