رەسەي تۋىن كسرو كەزىندەگى تۋعا اۋىستىرعىسى كەلەدى، دەپ حابارلايدى “ادىرنا” ۇلتتىق پورتالى.
"بۇل زاڭ ازاماتتاردى وتانسۇيگىشتىككە تاربيەلەۋگە ىقپال ەتەدى، ءوز ەلىنە دەگەن ماقتانىش سەزىمىن، وعان دەگەن سۇيىسپەنشىلىك پەن قۇرمەت سەزىمىن ەركىن جانە اشىق بىلدىرۋگە مۇمكىندىك بەرەدى، سونداي-اق ءبىزدىڭ اتا-بابالارىمىزدىڭ - وتان قورعاۋشىلارىنىڭ قۇرمەتى مەن ەستەلىگىن ساقتايدى. رەسەي وزىنە داڭقتى جەڭىستەر مەن ۇلى الەمدىك دەرجاۆانىڭ سيمۆولىن قايتارادى", - دەلىنگەن تۇسىندىرمە جازبادا.
باستامانى كوتەرگەندەردىڭ ءبىرى دەپۋتات انجەليكا گلازكوۆا قازىرگى جاعدايدا قىزىل تۋدىڭ ەرەكشە وزەكتى ەكەنىن اتاپ وتكەن.
"فاشيستەردى قىزىل تۋىمىزبەن قارسى الۋعا شىققان الگى اجەنى بۇكىل الەم تانيتىن شىعار. ءدال وسى تۋدىڭ ارقاسىندا ءبىز ۇلى وتان سوعىسىندا جەڭىسكە جەتتىك. كەڭەس وداعىنىڭ بۇكىل جەتىستىكتەرى وسى تۋمەن بايلانىستى. سوندىقتان، اسىرەسە، بىزدە اسكەري وپەراتسيا ءجۇرىپ جاتقان كەزدە بۇل تاقىرىپ بۇرىنعىدان دا وزەكتى دەپ ەسەپتەيمىن. ءبىز لحر مەن دحر تۇرعىندارىنىڭ ءبىزدىڭ اسكەردى قىزىل تۋمەن قالاي قارسى العانىن كوردىك. حالىق كەڭەس وداعى كەزەڭىنە ورالعىسى كەلەدى", - دەدى گلازكوۆا.
”ادىرنا” ۇلتتىق پورتالى
