Reseı týyn KSRO kezindegi týǵa aýystyrǵysy keledi, dep habarlaıdy “Adyrna” ulttyq portaly.
"Bul zań azamattardy otansúıgishtikke tárbıeleýge yqpal etedi, óz eline degen maqtanysh sezimin, oǵan degen súıispenshilik pen qurmet sezimin erkin jáne ashyq bildirýge múmkindik beredi, sondaı-aq bizdiń ata-babalarymyzdyń - Otan qorǵaýshylarynyń qurmeti men esteligin saqtaıdy. Reseı ózine dańqty jeńister men uly álemdik derjavanyń sımvolyn qaıtarady", - delingen túsindirme jazbada.
Bastamany kótergenderdiń biri depýtat Anjelıka Glazkova qazirgi jaǵdaıda qyzyl týdyń erekshe ózekti ekenin atap ótken.
"Fashısterdi qyzyl týymyzben qarsy alýǵa shyqqan álgi ájeni búkil álem tanıtyn shyǵar. Dál osy týdyń arqasynda biz Uly otan soǵysynda jeńiske jettik. Keńes odaǵynyń búkil jetistikteri osy týmen baılanysty. Sondyqtan, ásirese, bizde áskerı operaııa júrip jatqan kezde bul taqyryp burynǵydan da ózekti dep esepteımin. Biz LHR men DHR turǵyndarynyń bizdiń áskerdi qyzyl týmen qalaı qarsy alǵanyn kórdik. Halyq Keńes odaǵy kezeńine oralǵysy keledi", - dedi Glazkova.
”Adyrna” ulttyq portaly
