اقتاۋ قالاسىنىڭ اكىمى نۇرداۋلەت قيلىبايدىڭ جۇمىسسىزدىق ماسەلەسى جايىندا ايتقان جاۋابىن جەلى قولدانۋشىلارى Facebook-تە جاريالادى، دەپ حابارلايدى “ادىرنا” ۇلتتىق پورتالى.
ۆيدەودان جيىندا ءسوز العان تۇرعىنداردىڭ ءبىرى جۇمىسسىزدىق ماسەلەسىن شەشۋ جونىندە سۇراق قويعانىن كورۋگە بولادى. وندا تۇرعىن قولىندا بيلىك بولسا، بۇل پروبلەمانى ءوزى-اق رەتكە قوياتىنىن ايتقان. ال قالا اكىمى بۇل ۇسىنىسقا شىداماي، بىردەن جاۋاپقا كىرىستى.
"جۇمىسقا ورنالاستىرۋ قولىمىزدان كەلمەي جاتقان شىعار. وندا سىزگە ۇسىنىس ايتايىن. ءوزىم 783 مىڭ تەڭگە الامىن. سول ايلىعىمدى قاق ءبولىپ بەرەيىن. سوسىن اكىمدىكتەن كابينەت ءبولىپ، جۇمىس ورنىڭىزدى سايلاپ بەرەيىن. 5 ايدىڭ ىشىندە 4250 ادامدى جۇمىسقا ورنالاستىرىپ بەرىڭىزشى. شامامەن مەنىڭ 50 پايىز ەڭبەكاقىم بەس ايدا 2 ميلليونداي بولادى ەكەن. ەگەر ءسىز 4-5 ايدا وسى ادامداردىڭ جۇمىسقا ورنالاستىرساڭىز سول اقشانى بەرەمىن. ءتىپتى ءتىرى كەزىڭىزدە ەسكەرتكىش تە قويامىن. جيىركەنەسىز بە جۇمىستان، وندا ءوزىڭىز بارىپ تاۋىپ الىڭىز. وسى ۇسىنىسىمدى ورىنداي الماساڭىز بۇكىل حالىقتىڭ الدىنا شىعىپ كەشىرىم سۇرايسىز", — دەدى قالا اكىمى
Telegram ارنامىزدان ۆيدەوسىن كورە الاسىز.
”ادىرنا” ۇلتتىق پورتالى
