Aqtaý qalasynyń ákimi Nurdáýlet Qılybaıdyń jumyssyzdyq máselesi jaıynda aıtqan jaýabyn jeli qoldanýshylary Facebook-te jarııalady, dep habarlaıdy “Adyrna” ulttyq portaly.
Vıdeodan jıynda sóz alǵan turǵyndardyń biri jumyssyzdyq máselesin sheshý jóninde suraq qoıǵanyn kórýge bolady. Onda turǵyn qolynda bılik bolsa, bul problemany ózi-aq retke qoıatynyn aıtqan. Al qala ákimi bul usynysqa shydamaı, birden jaýapqa kiristi.
"Jumysqa ornalastyrý qolymyzdan kelmeı jatqan shyǵar. Onda sizge usynys aıtaıyn. Ózim 783 myń teńge alamyn. Sol aılyǵymdy qaq bólip bereıin. Sosyn ákimdikten kabınet bólip, jumys ornyńyzdy saılap bereıin. 5 aıdyń ishinde 4250 adamdy jumysqa ornalastyryp berińizshi. Shamamen meniń 50 paıyz eńbekaqym bes aıda 2 mıllıondaı bolady eken. Eger siz 4-5 aıda osy adamdardyń jumysqa ornalastyrsańyz sol aqshany beremin. Tipti tiri kezińizde eskertkish te qoıamyn. Jıirkenesiz be jumystan, onda ózińiz baryp taýyp alyńyz. Osy usynysymdy oryndaı almasańyz búkil halyqtyń aldyna shyǵyp keshirim suraısyz", — dedi qala ákimi
Telegram arnamyzdan vıdeosyn kóre alasyz.
”Adyrna” ulttyq portaly
