بەلگىلى بيزنەسمەن، ءماسليحات دەپۋتاتى قايرات قۇدايبەرگەن 1 اي قاماۋعا الىندى. بۇل تۋرالى ونىڭ ادۆوكاتى مۇرات اميتوۆ ءوزىنىڭ فب پاراقشاسىندا حابارلادى، دەپ جازادى "ادىرنا" ۇلتتىق پورتالى.
ادۆوكاتتىڭ ايتۋىنشا، ولار ءۇش كۇن بويى سوتقا دەيىنگى تەرگەۋ ورگاندارى قايرات قۇدايبەرگەنگە قاتىستى ءىس-ارەكەتتىڭ بىلىكتىلىگىن انىقتايدى دەپ كۇتكەن، الايدا ناتيجەسىندە سوتقا دەيىنگى تەرگەۋ ورگانى ونىڭ بىلىكتىلىگىن انىقتاماپتى.
"بۇگىن تەرگەۋ سوتى كۇدىكتى قايرات قۇدايبەرگەننىڭ ارەكەتىن سارالاۋ تۋرالى قاۋلى شىعارىلعانعا دەيىن 1 اي مەرزىمگە "قاماۋدا ۇستاۋ" بۇلتارتپاۋ شاراسىن سانكتسيالادى. سانكتسيالىق ماتەريالعا قايراتتى اشكەرەلەيتىن دالەلدەر ەنگىزىلمەگەن، تەرگەۋشىلەردىڭ قاۋلىسى مەن قايراتتىڭ وزىنەن جاۋاپ الۋدان باسقا ەشتەڭە جوق. ونىڭ ورگانداردان جاسىرىنىپ قالۋى نە تەرگەۋگە كەدەرگى كەلتىرۋى مۇمكىن ەكەندىگى تۋرالى نۇسقانى راستايتىن ماتەريالدار قوسا بەرىلمەگەن",- دەپ جازدى ادۆوكات.
"ادىرنا" ۇلتتىق پورتالى
