14 مامىردا ماسكەۋدە ءۇي قاماقتا وتىرعان جومارت ەرتاەۆ قازاقستان ازاماتتىعىنان باس تارتۋعا ارىز جازدى. بۇل تۋرالى Today.kz تىلشىسىنە ەرتاەۆتىڭ ادۆوكاتى، ماسكەۋلىك "لەكسۋم" ادۆوكاتتار كوللەگياسىنىڭ باسشىسى الەكسەي پەتروۆ مالىمدەدى.
ء"بىز بۇگىن قازاقستان ازاماتتىعىنان باس تارتۋعا ارىز جازدىق", – دەدى پەتروۆ.
الەكسەي پەتروۆ جەلىگە تاراعان جومارت ەرتاەۆتىڭ ءوز ارىزى ەكەنىن راستادى. تۇتقىنداعى بانكير قىلمىستىق ىسكە قاتىستى ءوز ۇستانىمىن ايتىپ، ازاماتتىقتى نە ءۇشىن اۋىستىرعىسى كەلەتىنىن تۇسىندىرگەن بولاتىن.
ەرتاەۆ "قازاقستان مەن رەسەي پرەزيدەنتتەرىنىڭ ورتاق ەكونوميكالىق، مادەني، قۇقىقتىق جانە اقپاراتتىق كەڭىستىك قۇرۋعا باعىتتالعان ساياساتتارىن ۇنەمى قولداپ كەلگەنىن، قولداي دا بەرەتىنىن" ايتتى. بانكير ينتەگراتسيالىق پروتسەستەردىڭ بەلسەندى قاتىسۋشىسى بولۋدى ۇنەمى قالاعانىن، بىراق ساياساتپەن اينالىسپاعانىن، اينالىسپايتىنىن دا مالىمدەدى.
"ماسكەۋدە ءۇش جىل تۇرىپ، ينتەگراتسيانىڭ ماڭىزدى بولىگى بولىپ تابىلاتىن جوبانى دامىتىپ جاتىرمىن: ءبىز قىتايدان باتىس ەۋروپاعا باعىتتالاتىن تەلەكوممۋنيكاتسيا تورابىن قۇرۋدامىز، اۋقىمدى جوبانىڭ ءبىرىنشى كەزەڭى – قازاقستان مەن رەسەي اراسىنداعى توراپ. بۇل جوبانىڭ ەكى مەملەكەت ءۇشىن دە قانشالىقتى ماڭىزدى ەكەنىن تۇسىنەمىن، جاستارىمىزعا قانداي بولاشاق بەرەتىنىن ۇعىنامىن، الدىمدا ماڭىزى زور ماسەلە تۇردى. ينتەگراتسيالىق پروتسەستەردى بارىنشا ءتيىمدى باسقارۋ ءۇشىن رەسەيگە كوشۋ شەشىمىن قابىلداۋعا ءماجبۇر بولدىم. سوندىقتان ءۇش جىل بۇرىن رەسەيگە كوشىپ، رەسەي فەدەراتسياسى اۋماعىنداعى زاڭ تالابىنا قاتىستى ارەكەتتەردى باستادىم. ۋاقىتشا تۇرۋعا ارىز جازىپ، كەيىن زاڭعا سايكەس مەرزىمدە رف ازاماتتىعىن الۋعا ارىز بەردىم. زاڭعا باعىنا وتىرىپ، قازاقستان رەسپۋبليكاسى ازاماتتىعىنان شىعۋ شەشىمىن قابىلداۋعا ءماجبۇر بولدىم، ويتكەنى ەكى ەلدىڭ ازاماتتىعىن قاتار الۋعا تىيىم سالىنعان", – دەدى جومارت ەرتاەۆ.
ول قر ءىىم ءباسپاسوز مالىمدەمەسىندەگى سوزدەردى مىسالعا كەلتىرە وتىرىپ، وزىنە تاعىلعان بارلىق ايىپتى جوققا شىعاردى.
"جۋرناليستەر مەن بارلىق قىزىعۋشىلىق تانىتقان ادامنىڭ نازارىن مىناعان اۋدارعىم كەلەدى، رەسەي مەن قازاقستاننىڭ قىلمىستىق كودەكستەرىندە "لوببيزم" دەگەن قىلمىس جوق. وسىلايشا مەن ەشقاشان Bank RBK-دا جۇمىس ىستەگەن جوقپىن، ۇيىمنىڭ شتاتىندا بولعان ەمەسپىن، ول جاقتان ايلىق المادىم، بانك اكتسيونەرلەردىڭ قۇرامىندا بولمادىم، بۇنى اشىق دەرەككوزدەن تەكسەرۋ وڭاي. سايكەسىنشە نەسيە بەرۋ جۇمىسىنا ىقپال ەتە المايتىن ەدىم، بىرەۋدىڭ قىزىعۋشىلىعىنا وراي جۇمىس ىستەيتىندەي مۇمكىندىگىم بولعان جوق", – دەدى ەرتاەۆ.
ەستەرىڭىزگە سالايىق، ماسكەۋدە 8 مامىر كۇنى قازاقستان ءىىد ينتەرپولىنىڭ ۇلتتىق ورتالىق بيۋروسىنىڭ ساۋالىمەن بانكير جومارت ەرتاەۆ ۇستالدى.
ەرتاەۆتىڭ اسا ءىرى كولەمدە الاياقتىق جاساعانى ءۇشىن حالىقارالىق ىزدەۋدە جۇرگەنى ايتىلدى.
ول Bank RBK اق ديرەكتورلار كەڭەسىنىڭ توراعاسى بولا تۇرىپ جالعان جشس-نىڭ 80 ميلليون اقش دوللارىن بانكتەن قارىز رەتىندە الۋىن ماقۇلداعان. سونداي-اق قارىزدى قايتارماۋعا ىقپال ەتەتىن ارەكەت جاساعان.
رەسەيلىك باق ماسكەۋدە بانكيردىڭ ۇستالعانىن حابارلاعان ەدى. Today.kz وقىرمانعا جومارت ەرتاەۆتىڭ ءومىر جولىنان ءۇزىندى ۇسىندى.
كەيبىر ساراپشىلاردىڭ سوزىنشە، ەرتاەۆتا وتە ماڭىزدى اقپارات بار، بۇل اقپارات قازاقستاندىق بانكتەردى قۇرتىپ جىبەرە الادى.
قازاقستاندىق بانكيردىڭ رەسەي ازاماتتىعىن الۋدى سۇراعانى بەلگىلى بولدى.
______________________________________________________________________________________________________________ today.kz
