قوستاناي وبلىسىندا باستاۋىش سىنىپ مۇعالىمىن زورلاماق بولعان وقيعاعا قاتىستى سوت ءىسى باستالدى، دەپ حابارلايدى “ادىرنا” ۇلتتىق پورتالى Azattyq Rýhy سايتىنا سىلتەمە جاساپ.
وقيعا جاڭا جىل ءتۇنى قوستاناي وبلىسىنداعى اۋىلداردىڭ بىرىندە بولعان. 22 جاستاعى جىگىت باستاۋىش سىنىپ مۇعالىمى بولىپ ىستەيتىن 50 جاستاعى ايەلدىڭ ۇيىنە باسىپ كىرگەن. جابىرلەنۋشىنىڭ ايتۋىنشا، ەر ادام ونىڭ ۇيىنە كىرگەن بەتتە ۇرىپ-سوعىپ، بۋىندىرىپ ءولتىرىپ، زورلاماق بولعان.
سوتتا مۇعالىم بارلىعىن ەگجەي-تەگجەيلى جانە ەموتسيونالدى تۇردە ايتىپ بەرگەن، سۋديا اتالعان وقيعانى ەستىگەن سوڭ ءۇزىلىس جاريالاعان.
سوتتالۋشىعا قر قىلمىستىق كودەكسىنىڭ 149, 107, 120-باپتارى 1-بولىگى – تۇرعىن ۇيگە كىرۋ، ورتاشا اۋىرلىقتاعى ۇرىپ-سوعۋ جانە زورلاۋعا وقتالۋ بويىنشا ايىپ تاعىلۋدا. ەر ادام زورلاۋ ارەكەتىن مويىندامايدى. جابىرلەنۋشى زورلىقشىعا قارسىلاسىپ ءجۇرىپ، ارەڭ قۇتىلعانىن ايتتى.
ايەل اتى-ءجونى مەن شابۋىلدىڭ قاي ايماقتا بولعانىن ازىرگە قۇپيا ساقتاۋدى سۇرادى.
“ادىرنا” ۇلتتىق پورتالى
