Qostanaı oblysynda bastaýysh synyp muǵalimin zorlamaq bolǵan oqıǵaǵa qatysty sot isi bastaldy, dep habarlaıdy “Adyrna” ulttyq portaly Azattyq Rýhy saıtyna silteme jasap.
Oqıǵa jańa jyl túni Qostanaı oblysyndaǵy aýyldardyń birinde bolǵan. 22 jastaǵy jigit bastaýysh synyp muǵalimi bolyp isteıtin 50 jastaǵy áıeldiń úıine basyp kirgen. Jábirlenýshiniń aıtýynsha, er adam onyń úıine kirgen bette uryp-soǵyp, býyndyryp óltirip, zorlamaq bolǵan.
Sotta muǵalim barlyǵyn egjeı-tegjeıli jáne emoıonaldy túrde aıtyp bergen, sýdıa atalǵan oqıǵany estigen soń úzilis jarııalaǵan.
Sottalýshyǵa QR Qylmystyq kodeksiniń 149, 107, 120-baptary 1-bóligi – turǵyn úıge kirý, ortasha aýyrlyqtaǵy uryp-soǵý jáne zorlaýǵa oqtalý boıynsha aıyp taǵylýda. Er adam zorlaý áreketin moıyndamaıdy. Jábirlenýshi zorlyqshyǵa qarsylasyp júrip, áreń qutylǵanyn aıtty.
Áıel aty-jóni men shabýyldyń qaı aımaqta bolǵanyn ázirge qupııa saqtaýdy surady.
“Adyrna” ulttyq portaly
