قازاقستاندىق تانىمال Mad Men توبىنىڭ مۇشەلەرىنە قاتىستى سوت ۇكىمى شىقتى، — دەپ حابارلايدى “ادىرنا” ۇلتتىق پورتالى.
«قىلمىستىق توپتىڭ باسشىسى ح. ارقايسىنا جۇمىس ءبولىپ بەرگەن. ول مەفەدرون كومپونەنتىن ساتىپ الۋمەن جانە كليەنتتەرمەن كەلىسسوز جۇرگىزۋمەن اينالىسقان. باسقالارى الماتىداعى كوتتەدجدەردىڭ بىرىندە پسيحوتروپتىق زاتتى دايىنداعان. باعاسى تۋرالى اقپاراتتى ارنايى سايتتار مەن چاتتاردا جاريالاپ وتىرعان. قالعاندارى ەسىرتكىلەردى قالاداعى قوعامدىق ورىندارعا جاسىرۋمەن اينالىسقان»، — دەپ حابارلادى سوتتا.
2021 جىلدىڭ 14 ساۋىرىندە توپ مۇشەلەرىنىڭ ءبىرى م. زاڭسىز جاسالعان مەفەدروندى الىپ، الماتىداعى كوشەلەردىڭ بىرىنە جاسىرعان. سول كۇنى جاسىرىلعان زاتتار تابىلىپ، ونى پوليتسيا تاركىلەدى.
سوتتا پروكۋرور تەرگەۋدىڭ ايىپتاۋىن قولداپ، قىلمىستىق توپتىڭ جەتەكشىسى ح.-نى 18 جىلعا، ال قالعان قاتىسۋشىلاردى 17-دەن 17,5 جىلعا دەيىن باس بوستاندىعىنان ايىرۋ جازاسىن تاعايىندادى.
“ادىرنا” ۇلتتىق پورتالى
