بۇگىن Namys پارتياسىنىڭ تىركەۋدىڭ ءبىرىنشى كەزەڭىنەن وتكەنىن جاريالادى، دەپ حابارلايدى “ادىرنا” ۇلتتىق پورتالى.
«نامىس» پارتياسىن تىركەلۋىنە بارلىق قۇجاتتار قابىلداندى. ادىلەت مينيسترلىگى قۇجاتتاردىن جانە بارلىق دەرەكتەردىڭ دۇرىستىعى مەن تولىقتىعىن حاتپەن راستادى. بۇل تىركەۋدىڭ ءبىرىنشى كەزەڭى ءساتتى اياقتالدى دەگەن ءسوز.
بارلىق قولداۋشىلارعا جانە ءوز قۇجاتتارىن ءبىرىنشى بولىپ جىبەرگەن بەلسەندى ازاماتتارعا العىس ايتقىم كەلەدى. قازىر ءبىز تىركەۋدىڭ ەكىنشى كەزەڭىندەمىز. 2 ايدىڭ ىشىندە پارتيا سەزىن وتكىزۋىمىز كەرەك. ودان كەيىن ءۇشىنشى كەزەڭ – 20 000 ادامنىن قولتاڭباسىن جيناۋ. ءبىز ونىڭ بارلىعىن ورىنداپ ءساتتى وتەمىز دەپ سەنەمىن!»، - دەپ جازدى ول ءوزىنىڭ Facebook پاراقشاسىندا.
پارتيا باعدارلاماسى نەگىزگى 7 باعىتتان تۇرادى:
- ءادىل، تاۋەلسىز، ادال سوت جۇيەسىن قۇرۋ;
- جەمقورلىققا ىمىراسىز كۇرەس جاريالاۋ;
- مەملەكەتتى، قوعامدى، جاستاردى دامىتۋ ءۇشىن مادەني رەۆوليۋتسيا جاريالاۋ;
- تولىق ساياسي ترانسفورماتسيا جۇرگىزۋ ء(ادىل، تاۋەلسىز سايلاۋ جۇيەسىن قۇرۋ، جاڭا پارتيالاردى تىركەۋ، ءوزىن ءوزى ۇسىنۋ قۇقىعىن قايتارۋ، پارلامەنت سايلاۋىن وتكىزۋ، قالا اكىمدەرىن سايلاۋ);
- مەملەكەتتىك اپپارات سانىن قىسقارتىپ، تيىمدىلىگىن ارتتىرۋ;
- ساپالى بىلىممەن، مەديتسينامەن قامتاماسىز ەتۋ;
- جاستارعا ارنالعان زاۋىتتار (جۇمىس ورىندارىن) اشۋ.
”ادىرنا” ۇلتتىق پورتالى
