انكارا «ماريۋپول ازوۆستال» زاۋىتىنان ۋكراين ۇلتشىلدارى مەن بەيبىت تۇرعىنداردى ەۆاكۋاتسيالاۋ ءۇشىن كەمە جىبەرۋگە دايىن. بۇل تۋرالى سەنبى كۇنى تۇركيا پرەزيدەنتىنىڭ رەسمي وكىلى يبراگيم كالىن Reuters اگەنتتىگىنە بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى.
«جوسپار بويىنشا «ازوۆستال» ءىرى مەتاللۋرگيالىق زاۋىتىنان ەۆاكۋاتسيالانعان ادامدار قۇرلىق ارقىلى ماريۋپول سياقتى ازوۆ تەڭىزىندە ورنالاسقان بەرديانسك پورتىنا جەتكىزىلەدى. ال تۇرىك كەمەسى ولاردى ستامبۋلعا قارا تەڭىز ارقىلى وتكىزەدى. ەگەر مۇنى وسىلاي جاساۋعا بولاتىن بولسا، ءبىز مۇنى قۋانا جاسايمىز، ءبىز دايىنبىز. نەگىزىندە، ءبىزدىڭ كەمە جارالانعان ساربازدار مەن باسقا دا بەيبىت تۇرعىنداردى تۇركياعا جەتكىزۋگە دايىن»، - دەدى رەجەپ تايىپ ەردوعاننىڭ ءباسپاسوز حاتشىسى.
بۇعان دەيىن ۋكراينا پرەمەر-ءمينيسترىنىڭ ورىنباسارى يرينا ۆەرەششۋك كيەۆتىڭ ازوۆستالدان ەۆاكۋاتسيا قالاي وتەتىنى تۋرالى قۇجاتقا قول قويۋعا نيەتتى ەكەنىن مالىمدەگەن. ونىڭ ايتۋىنشا، ەۆاكۋاتسيانىڭ جول كارتاسى بويىنشا كەلىسسوزدەردىڭ جاڭا راۋندى باستالدى، وعان حالىقارالىق قىزىل كرەست كوميتەتى قاتىسۋدا. ۆەرەششۋك سونىمەن قاتار تۇركيانىڭ كەلىسسوزدەردىڭ اعىمداعى راۋندىندا دەلدال بولاتىنىن، ەۆاكۋاتسيانىڭ ءوزى بىرنەشە كەزەڭدە جۇزەگە اسىرىلاتىنىن، ونىڭ ءبىرىنشىسى اۋىر جارالىلارعا قاتىستى ەكەنىن ايتتى. 7 مامىردا ول بارلىق بەيبىت تۇرعىنداردىڭ زاۋىت اۋماعىنان ەۆاكۋاتسيالانعانىن حابارلادى.
“ادىرنا” ۇلتتىق پورتالى
