قازاقستاننىڭ بۇرىنعى ەكونوميكا، ءبىلىم جانە عىلىم ءمينيسترى بولعان، "قتج", "قازمۇنايگاز" سياقتى ءىرى ۇلتتىق كومپانيالاردا باسشىلىق قىزمەت اتقارعان، 2008 جىلى "قىزمەتىن اسىرا پايدالاندى" دەگەن ايىپپەن سوتتالعان ساياساتكەر جاقسىبەك قۇلەكەەۆ "ەلباسى" اتاۋىن توقاەۆقا دا قولدانۋ كەرەكتىگىن ايتتى، دەپ حابارلايدى "ادىرنا" ۇلتتىق پورتالى "nege.kz"-كە سىلتەمە جاساپ.
— "ەلباسى" ءسوزىن نازارباەۆقا عانا قولدانۋ — قاتەلىك. بۇل – پرەزيدەنت دەگەن ءسوزدىڭ قازاقشا بالاماسى. تۇرىكتەردە "Ülkenin başı" دەگەن ءسوز بار، بارلىق پرەزيدەنتكە سول ءسوزدى قولدانادى. سوندىقتان "ەلباسى" دەپ توقاەۆتى دا ايتۋ كەرەك. قازاقتىڭ ءتول ءسوزى بولعاندىقتان، كەلەشەك پرەزيدەنتتەرىمىزدى دە سولاي اتاعان دۇرىس", — دەدى ول.
ءوز سوزىندە ساياساتكەر توقاەۆتىڭ باستامالارىن قولدايتىنىن، رەفەرەندۋمنىڭ ارقاسىندا الداعى ۋاقىتتا ەلىمىزدە ەلباسى تۇسىنداعىداي ساياسي قاتەلىكتەر بولمايتىنىن اتاپ ءوتتى.
"ادىرنا" ۇلتتىق پورتالى.
