ەرتەڭ 21 مامىر كۇنى وكىلدە الماتىدا شاعىن فۋتبولدان باق وكىلدەءرى اراسىندا قازاق تەلەۆيزياسىنىڭ مايتالمانى، كوممەنتاتور امانگەلدى سەيىتحاندى ەسكە الۋعا ارنالعان رەسپۋبليكالىق تۋرنير وتەدى. ەلىمىزدىڭ 8 وڭىرىنەن بارلىعى 16 كوماندا قاتىسادى، دەپ حابارلايدى "ادىرنا" ۇلتتىق پورتالى.
سانالى عۇمىرىن جۋرناليستيكاعا ارناپ، حالىقتىڭ مۇڭ-مۇقتاجىن قالاممەن تەربەي بىلگەن امان اعامىز بىلتىر 52 جاسىندا ماڭگىلىك مەكەنگە اتتانىپ كەتتى. الايدا، فۋتبولدى وزىمەن ەگىز قويعان اعامىز ءومىرىنىڭ سوڭىنا دەيىن سپورتپەن اينالىستى.
امانگەلدى سەيىتحان اتىنداعى العاشقى تۋرنير وتباسىنىڭ ۇيىمداستىرۋىمەن وتەدى. تۋرنير اياسىندا امانگەلدى سەيىتحاننىڭ قۇرمەتىنە شىعارىلعان "جەڭىستى كۇندەردە جۇزدەسكەنشە" كىتابىنىڭ تۇساۋى كەسىلەدى.
تۋرنيرگە قاتىساتىن كوماندالار:
- Aikyn-Liter (استانا قالاسى);
- Dream-team سەيىتحان (الماتى قالاسى);
- ️Effective media Liaison (الماتى قالاسى);
- اباي-اقپارات (اباي وبلىسى);
- ايتىسكەرلەر قۇراماسى (قازاقستان رەسپۋبليكاسى);
- اقمەشىت (قىزىلوردا وبلىسى);
- اتىراۋ قۇراماسى (اتىراۋ وبلىسى);
- كتك (الماتى قالاسى);
- قازاقستان تۆ-قازاق راديوسى (الماتى قالاسى);
- قارەكەت (جەتىسۋ وبلىسى);
- سپورت جۋرناليستەرى (قازاقستان رەسپۋبليكاسى);
- تۇران-تۇركىستان (تۇركىستان وبلىسى);
- تۇركىستان تەلەارناسى (تۇركىستان وبلىسى);
- شىمكەنت (شىمكەنت قالاسى);
- حابار (استانا قالاسى);
- ەكسپرەسس-ك (استانا قالاسى).
"ادىرنا" ۇلتتىق پورتالى
