ىشىمدىك ءىشىپ الىپ، كورشىسىنىڭ ءۇيىن ورتەمەك بولعان تۇرعىن ۇستالدى. بۇل تۋرالى اقمولا وبلىستىق پوليتسيا دەپارتامەنتى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ايتۋلارىنشا، 26 مامىردا كوكشەتاۋ قالالىق پوليتسيا باسقارماسىنا جەرگىلىكتى تۇرعىن حابارلاسىپ، كومەك سۇراعان. ايەلدىڭ سوزىنشە، كورشىسى ونىڭ ۇيىنە بەزنين شاشىپ، ورتەپ جىبەرەتىن ايتىپ قورقىتقان.
«ايتىلعان مەكەن-جايعا دەرەۋ ۋچاسكەلىك پوليتسيا ينسپەكتورى، كاپيتان بوريس تولگۋروۆ پەن لەيتەنانت ەرقانات ورىنباي جەتتى. ولار بارعان كەزدە، ءۇيدىڭ ىشىندە ماساڭ كۇيدە ەكى ەر ادام جانە ءبىر بالا بولدى. تاعى ءتورت بالا ءۇيدىڭ اۋلاسىندا ءجۇردى. ەر ادامدار ءۇيدىڭ بولمەلەرىنىڭ ەدەنىنە بەنزين شاشىپ، وت قويۋعا ارەكەتتەنگەن. پوليتسيا وقىس جاعدايدىڭ الدىن الدى»، – دەلىنگەن حابارلامادا.
وقيعانىڭ ءمان-جايى انىقتالىپ جاتىر.
”ادىرنا” ۇلتتىق پورتالى
