بۇگىن الماتى قالاسىندا حالىقارالىق تۇركى اكادەمياسى، ءال-فارابي اتىنداعى قازاق ۇلتتىق ۋنيۆەرسيتەتى جانە يسلام ىنتىماقتاستىعى ۇيىمىنىڭ عىلىمي جانە تەحنيكالىق ىنتىماقتاستىق جونىندەگى تۇراقتى كوميتەتىنىڭ (COMSTECH) بىرلەسىپ ۇيىمداستىرۋىمەن «ءال-فارابي - يقبال» حالىقارالىق فورۋمى ءوتتى.
پلەنارلىق وتىرىس الدىندا جيىنعا قاتىسۋشىلار پاكىستاندىق قىلقالام شەبەرلەرى فورۋمعا ارنايى دايىنداعان "يسلام كالليگرافياسى" اتتى كورمەنى تاماشالادى.
فورۋمنىڭ سالتاناتتى اشىلۋىنا حالىقارالىق تۇركى اكادەمياسىنىڭ پرەزيدەنتى دارحان قىدىرالى، يىۇ عىلىم جانە تەحنولوگيالار جونىندەگى تۇراقتى كوميتەتىنىڭ (COMSCTECH) باس ۇيلەستىرۋشىسى يقبال چاۋدحاري، ال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما توراعاسى-رەكتورى جانسەيىت Tۇيمەباەۆ، قر ءبىلىم جانە عىلىم ءمينيسترىنىڭ ورىنباسارى قۋانىش ەرعاليەۆ، تۇركسوي ۇيىمىنىڭ باس حاتشىسى سۇلتان راەۆ، پاكىستان سەناتىنىڭ ادام قۇقىقتارى جونىندەگى تۇراقتى كوميسسياسىنىڭ توراعاسى ۋاليد يقبال، ازياداعى ءوزارا ىقپالداستىق جانە سەنىم شارالارى جونىندەگى كەڭەسىنىڭ (اوسشك) حاتشىلىعىنىڭ اتقارۋشى ديرەكتورىنىڭ ورىنباسارى چي فانگ، قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى ەرجان قىستافين، پاكىستان يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى سادجاد احمەد سيحار، تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي قاتىسىپ، ءسوز سويلەدى.
وفلاين جانە ونلاين فورماتتا وتكەن القالى جيىنعا تۇركى ەلدەرى مەن يىۇ-عا مۇشە ەلدەردىڭ گۋمانيتارلىق سالا عالىمدارى، شىعارماشىلىق زيالى قاۋىم وكىلدەرى، ديپلوماتيالىق جانە دەپۋتاتتىق كورپۋسىنىڭ قىزمەتكەرلەرى، ساراپشىلارى قاتىستى.
فورۋم اياسىندا تۇركى اكادەمياسىنىڭ ازەربايجان تىلىندە ازىرلەگەن مۇحاممەد يكبالدىڭ «Islam Dusuncesinin Rekonstruksiyasi» (يسلامدىق ويدى قايتا قۇرۋ) كىتابىنىڭ، سونىمەن قاتار 2020 جىلى يسلامابادتا وتكەن ءال-فارابي جاھاندىق فورۋمى ماتەريالدارىنىڭ اعىلشىن، قازاق، ورىس تىلدەرىندە جارىق كورگەن جيناعىنىڭ، ءال-ءفارابيدىڭ «مۋزىكا تۋرالى ۇلكەن تراكتات» اتتى ەڭبەگىنىڭ تۇرىك تىلىندە جارىق كورگەن نۇسقاسىنىڭ (El-Farabi Kitabu’l Musika’l-Kebir) جانە ۋردۋ تىلىندەگى «يكبال ەنتسيكلوپەدياسى» اتتى ەڭبەكتىڭ تۇساۋكەسەرى ءوتتى.
سونىمەن قاتار، القالى جيىندا اكادەميا باسشىسى د. قىدىرالى COMSCTECH) باس ۇيلەستىرۋشىسى يقبال ءچاۋدحاريدى تۇركى الەمنىڭ ىنتىماقتىستىعىن ارتتىرۋداعى ۇلەسى ءۇشىن تۇركى اكادەمياسىنىڭ التىن مەدالىمەن ماراپاتتادى.
فورۋمنىڭ پلەنارلىق وتىرىسى يكبال فيلوسوفياسى: وتكەنى، بۇگىنى، بولاشاعى، يكبال فيلوسوفياسى مەن پوەزياسىنىڭ جاھاندىق اسەرى، ءححى عاسىر سىن-قاتەرلەرى جانە تەحنولوگيا تاقىرىبى بويىنشا سەسسيالارمەن جالعاستى.
سەكتسيالىق وتىرىسقا ازەربايجان، قازاقستان، قىرعىزستان، تۇركيا، پاكىستان، ۇلىبريتانيا، رەسەي، تاجىكستان جانە يىۇ-عا مۇشە ەلدەردىڭ تانىمال عالىمدارى مەن ساراپشىلارى قاتىسىپ، زەرتتەۋ تاقىرىپتارى بويىنشا باياندامالار جاسادى.
ايتا كەتۋ كەرەك، 2020 جىلى يسلام ىنتىماقتاستىعى ۇيىمىنىڭ تۇراقتى كوميتەتىنىڭ (COMSTECH) ۇيىتقى بولۋىمەن، پاكىستان استاناسى يسلامابادتا ءال-فارابيگە ارنالعان اۋقىمدى ءىس-شارا ۇيىمداستىرعان بولاتىن.
«ءال-فارابي-يكبال» فورۋمى قر پرەزيدەنتى قاسىم-جومارت توقاەۆتىڭ تۇركى مەملەكەتتەرى ۇيىمىنىڭ VIII ساميتتىندەگى عىلىم مەن تەحنولوگيانى نىعايتۋ جونىندەگى تاپسىرماسى سايكەس ۇيىمداستىرىلىپ وتىر.
بۇل رەتتە فورۋم فارابي مەن يكبالدىڭ جاھاندىق عىلىمعا قوسقان ۇلەسى مەن قوس عۇلامانىڭ رۋحاني ساباقتاستىعىن جاڭا دەڭگەيگە كوتەرەتىن العاشقى اۋقىمدى شارا.
"ادىرنا" ۇلتتىق پورتالى.
