ديماش قۇدايبەرگەننىڭ بىردەن 3 ءانى Billboard’s Hot Trending Songs حيت-پارادىنىڭ توپ-10-دىعىنا ەندى، دەپ حابارلايدى “ادىرنا” ۇلتتىق پورتالى.
ديماشتىڭ «Okay» اتتى ءانى Billboard’s Hot Trending Songs حيت-پارادىندا 8-ورىندا تۇر. ول انگە جاقىندا بەينەكليپ تۇسىرىلگەن ەدى. ودان جوعارىراق ديماشتىڭ «Fly Away» ءانى بار، ول 22 اپتا بويى توپ-10 تىزىمىندە تۇر.
د. قۇدايبەرگەننىڭ «Fly Away» كومپوزيتسياسى العاش رەت Billboard — Hot Trending Songs جاڭا چارتىنا 2021 جىلدىڭ كۇزىندە قوسىلدى. كەيىن چارتقا «Be with me» اۆتورلىق كومپوزيتسياسى ەنىپ، ول 24 اپتا بويى تىزىمنەن تۇسپەدى. ال بيىلعى قاڭتاردا قازاقستاندىق ءانشىنىڭ اتالعان قوس ءانى اپتالىق چارتتا رەيتينگىنىڭ ەڭ جوعارعى جولدارىنا – 1 جانە 3-ورىندارعا كوتەرىلدى.
بيىل 15 مامىردا World Music Awards رەسمي اككاۋنتى جەكە ورىنداۋشىلار اراسىندا Billboard’s Hot Trending Songs چارتىندا ۇزاق ۋاقىت تۇراتىن ەكى ءاندى اتاپ ءوتتى. ولار: ديماشتىڭ «Fly Away» ءانى جانە وڭتۇستىك كورەيانىڭ دۇنيەجۇزىنە تانىمال BTS توبىنىڭ مۇشەسى ءدجيننىڭ «Yours» كومپوزيتسياسى.
”ادىرنا” ۇلتتىق پورتالى
