ۋكراينا پرەزيدەنتى ۆلاديمير زەلەنسكي Telegram-ارناسىندا ساياساتكەرلەر مەن ليۋكسەمبۋرگ حالقىنا ۇندەۋ جاسادى، دەپ حابارلايدى “ادىرنا” ۇلتتىق پورتالى.
2 ماۋسىمدا ۆلاديمير زەلەنسكي رەسەي ۋكراينا اۋماعىنىڭ 20 پايىزىن باسىپ العانىن ايتقان بولاتىن. مايدان سىزىعىنىڭ ۇزىندىعى 1000 شاقىرىمنان اسادى. سونىمەن قاتار، ۋكراينا باسشىسى رەسەيلىك اسكەر ەلدىڭ 3 620 ەلدى مەكەنىنە كىرىپ العانىن مالىمدەدى.
"125 مىڭ شارشى شاقىرىم دەرلىك. بۇل بەنيليۋكستىڭ بارلىق ەلدەرىنىڭ اۋماعىنان ايتارلىقتاي ۇلكەن ", - دەدى ول.
24 اقپانداعى شاپقىنشىلىققا دەيىن رەسەي باسىپ العان ۋكراين جەرلەرىنىڭ اۋدانى، ۋكراينالىق تاراپتىڭ مالىمەتى بويىنشا، ەل اۋماعىنىڭ 7% قۇرادى.
ۋكرايندىق الەكسەي بوكوچ ءوزىنىڭ Facebook پاراقشاسىندا رەسەي باسىپ العان ۋكراينا اۋماقتارىن (بار بولعانى 20 پايىزدان استام) باسقا ەۋروپالىق مەملەكەتتەردىڭ اۋماقتارىنىڭ كولەمىمەن سالىستىراتىن كارتالاردى جاريالادى.
"مەنىڭ ەۋروپالىق دوستارىم ساياساتكەرلەرىڭىزدىڭ مالىمدەمەلەرىن تىڭداعان كەزدە ۋكراينانىڭ رەسەي باسىپ العان وسى ايماقتارىن ەستە ساقتاپ، ەسكەرىڭىزدەر", - دەپ ءتۇسىندىردى بوكوچ.
كارتادا باسىپ الىنعان اۋماقتار گەرمانيانىڭ جارتىسىنا جۋىعىنا، يتاليانىڭ جارتىسىنا جۋىعىنا نەمەسە شۆەيتساريا مەن اۆستريانىڭ قوسىندىسىنا تەڭ ەكەنىن كورسەتىلگەن.
بوكوچ كارتالاردى ءوزى جاساعانىن نەمەسە دەرەكتەردى قايدان الىنعانىن ناقتىلامادى.
“ادىرنا” ۇلتتىق پورتالى
