Ýkraına prezıdenti Vladımır Zelenskıı Telegram-arnasynda saıasatkerler men Lıýksembýrg halqyna úndeý jasady, dep habarlaıdy “Adyrna” ulttyq portaly.
2 maýsymda Vladımır Zelenskıı Reseı Ýkraına aýmaǵynyń 20 paıyzyn basyp alǵanyn aıtqan bolatyn. Maıdan syzyǵynyń uzyndyǵy 1000 shaqyrymnan asady. Sonymen qatar, Ýkraına basshysy reseılik ásker eldiń 3 620 eldi mekenine kirip alǵanyn málimdedi.
"125 myń sharshy shaqyrym derlik. Bul Benılıýkstiń barlyq elderiniń aýmaǵynan aıtarlyqtaı úlken ", - dedi ol.
24 aqpandaǵy shapqynshylyqqa deıin Reseı basyp alǵan ýkraın jerleriniń aýdany, ýkraınalyq taraptyń málimeti boıynsha, el aýmaǵynyń 7% qurady.
Ýkraındyq Alekseı Bokoch óziniń Facebook paraqshasynda Reseı basyp alǵan Ýkraına aýmaqtaryn (bar bolǵany 20 paıyzdan astam) basqa eýropalyq memleketterdiń aýmaqtarynyń kólemimen salystyratyn kartalardy jarııalady.
"Meniń eýropalyq dostarym saıasatkerlerińizdiń málimdemelerin tyńdaǵan kezde Ýkraınanyń Reseı basyp alǵan osy aımaqtaryn este saqtap, eskerińizder", - dep túsindirdi Bokoch.
Kartada basyp alynǵan aýmaqtar Germanııanyń jartysyna jýyǵyna, Italııanyń jartysyna jýyǵyna nemese Shveıarııa men Avstrııanyń qosyndysyna teń ekenin kórsetilgen.
Bokoch kartalardy ózi jasaǵanyn nemese derekterdi qaıdan alynǵanyn naqtylamady.
“Adyrna” ulttyq portaly
