4 ماۋسىم – قازاقستان رەسپۋبليكاسىنىڭ مەملەكەتتىك رامىزدەرى كۇنىنە وراي بايقوڭىر قالاسىنىڭ تۇرعىندارى، جاستارى، ءتۇرلى سالا وكىلدەرى 3 ماۋسىم كۇنى ءبىر مەزگىلدە قر مەملەكەتتىك گيمنىن ورىندادى. سالتاناتتى شارا الدىمەن جيىلعان جۇرتشىلىقتىڭ الدىنا مەملەكەتتىك كوك تۋىمىزدى ورتاعا اكەلىنىپ باستالسا، ودان ءارى گيمن جەر كىندىگى سانالاتىن بايقوڭىر قالاسىنىڭ تورىندە شىرقالدى.
شارا بارىسىندا بايقونىر تۇرعىندارىنىڭ رۋحى كوتەرىلىپ، ەگەمەندىگىمىزدى ايقىندايتىن مەملەكەتتىك رامىزدەرگە قۇرمەتى شەكسىز ەكەندىگىن جەتكىزدى.
بايقوڭىر جاستارىمەن قاتار ءتۇرلى سالا وكىلدەرى بەلسەنە قاتىسىپ، شارانىڭ جوعارى دەڭگەيدە وتۋىنە سەپتىگىن تيگىزدى. اتاپ ايتساق: مەملەكەتتىك قىزمەتكەرلەر، قۇقىق قورقاۋ ورگاندارىنىڭ قىزمەتكەرلەرى، ارداگەرلەر، دەنساۋلىق سالاسىنىڭ ماماندارى، قارجى سالاسىنىڭ ماماندارى، جۇمىسپەن قامتۋ ورتالىعى، ىشكى ىستەر مينيسترلىگىنىڭ وكىلدەرى، «Amanat» پارتياسى جانە شەكارا قىزمەتكەرلەرى بولدى. جالپى جيىنعا جينالعاندار 200 ادامدى قۇراپ، شەرۋ سوڭىندا جاستاردىڭ قاتىسۋىمەن قر رامىزدەرىنىڭ 30 جىلدىعى بەينەلەنگەن سانىمەن قورىتىندىلاندى.
ەلىمىزدىڭ كوك بايراعى بەيبىت اسپان استىندا جەلبىرەپ، حالقىمىزدىڭ رۋحى، بولاشاققا دەگەن ارمانى اسقاقتاپ، الەمگە تانىلا بەرسىن!
«سىر جاستارى» وبلىستىق جاستار رەسۋرستىق ورتالىعى
