گرۋزيادا قايتىس بولعان اسەل ايتباەۆاعا قاتىستى اتا-اناسى جاڭا دايەك كەلتىردى. قىزىنىڭ ولەر الدىندا ازاپتالعان سۋرەتتەرىن تبيليسيدەگى قۇقىق قورعاۋشىلار وقيعا بولعان كۇنى تۇسىرگەن ەكەن. بىراق اتا-اناسىنىڭ قولىنا تەك ءبىر جىلدان كەيىن ءتيىپتى، دەپ حابارلايدى "ادىرنا" ۇلتتىق پورتالى "كتك" ارناسىنا سىلتەمە جاساپ.
اسەلدىڭ دەنەسىندەگى كۇيىك ىزدەرىن كورگەن اناسى ايتارعا ءسوز تاپپاي وتىر.
"باسىندا بىردە-ءبىر قاننىڭ ءىزى جوق. ال دەنەسىندەگى قىزىل جارالار كۇيىكتىڭ ءىزى. قىزىمدى كۇيدىرگەن. قالايشا؟ قازاقستان تاراپىنىڭ ماعان قۇلاق اسپايتىنىنا تاڭعالامىن. نەگە ولار ساراپتاما دايىنداۋعا اسىقپايدى؟ كومەكتەسكىسى كەلمەيدى. ولار ءوزىن-ءوزى ءولتىرۋ دەيدى. قاراڭىزدار، سۋرەتتەن انىق كورىنىپ تۇر. بىرەۋ ءولتىرىپ، وسى جەرگە لاقتىرىپ كەتكەن سياقتى. مەنىڭ نۇسقام وسىنداي. قىزىم ەشقايدان دا قۇلاعان جوق", - دەيدى مارقۇم ءا. ايتباەۆانىڭ اناسى ايسۇلۋ ايتباەۆا.
سۋرەتپەن مۇقيات تانىسىپ شىققان اسەلدىڭ اتا-اناسى قىزىنىڭ ارقاسى، قولى مەن اياعىنداعى كەسىلگەن ىزدەردى بايقاعان. اسىرەسە وڭ جاعىندا كوپ. گرۋزيانىڭ سوت-مەديتسينالىق ساراپشىلارى مارقۇمنىڭ دەنەسىندەگى جارالار كۇلبىرەپ كەتكەن دەپ انىقتاما بەرىپتى. مۇنداي بەلگى تەك كۇيىكتەن كەيىن پايدا بولعانىن ايتادى ايسۇلۋ ايتباەۆا.
ونىڭ بولجامىنشا، بويجەتكەن كوپقاباتتى ءۇيدىڭ بالكونىنان قۇلاماس بۇرىن ءولۋى مۇمكىن. سوندىقتان قىزدىڭ اكە-شەشەسى قازاقستان مەن گرۋزيا تەرگەۋشىلەرىنىڭ ء"ولدى" دەگەن نۇسقاسىمەن كەلىسپەيدى.
وتانداسىمىزدىڭ قازاسىنا قۇقىق قورعاۋ ورگاندارى گرۋزيا ازاماتى بەسيك توردۋانى كىنالادى. وعان قىزدى زورلادى دەگەن دە ايىپ تاعىلدى. الايدا كۇدىكتى ۇستالعاننان كەيىن ەكى ايدان سوڭ ينفاركتەن تۇرمەدە قايتىس بولدى.
قازىر اسەل ايتباەۆانىڭ ولىمىنە قاتىسى بار دەگەن كۇدىكپەن جەزدەسى مۇرات مەيىربەكوۆ قاماۋدا وتىر. وعان "ادام ساۋداسى" جانە "زورلاۋ" بابى بويىنشا ءىس قوزعالعان. سوتقا دەيىنگى تەرگەۋ-تەكسەرۋدىڭ ءجۇرىپ جاتقانىنا ءبىر جىلدان استى. بۇگىن الدىن الا سوت تىڭدالىمىنىڭ 7 ماۋسىمدا وتەتىنى بەلگىلى بولدى.
"ادىرنا" ۇلتتىق پورتالى.
