Gruziiada qaitys bolǧan Äsel Aitbaevaǧa qatysty ata-anasy jaŋa däiek keltırdı. Qyzynyŋ öler aldynda azaptalǧan suretterın Tbilisidegı qūqyq qorǧauşylar oqiǧa bolǧan künı tüsırgen eken. Bıraq ata-anasynyŋ qolyna tek bır jyldan keiın tiıptı, dep habarlaidy "Adyrna" ūlttyq portaly "KTK" arnasyna sılteme jasap.
Äseldıŋ denesındegı küiık ızderın körgen anasy aitarǧa söz tappai otyr.
"Basynda bırde-bır qannyŋ ızı joq. Al denesındegı qyzyl jaralar küiıktıŋ ızı. Qyzymdy küidırgen. Qalaişa? Qazaqstan tarapynyŋ maǧan qūlaq aspaitynyna taŋǧalamyn. Nege olar saraptama daiyndauǧa asyqpaidy? Kömekteskısı kelmeidı. Olar özın-özı öltıru deidı. Qaraŋyzdar, suretten anyq körınıp tūr. Bıreu öltırıp, osy jerge laqtyryp ketken siiaqty. Menıŋ nūsqam osyndai. Qyzym eşqaidan da qūlaǧan joq", - deidı marqūm Ä. Aitbaevanyŋ anasy Aisūlu Aitbaeva.Suretpen mūqiiat tanysyp şyqqan Äseldıŋ ata-anasy qyzynyŋ arqasy, qoly men aiaǧyndaǧy kesılgen ızderdı baiqaǧan. Äsırese oŋ jaǧynda köp. Gruziianyŋ sot-medisinalyq sarapşylary marqūmnyŋ denesındegı jaralar külbırep ketken dep anyqtama berıptı. Mūndai belgı tek küiıkten keiın paida bolǧanyn aitady Aisūlu Aitbaeva.
Onyŋ boljamynşa, boijetken köpqabatty üidıŋ balkonynan qūlamas būryn öluı mümkın. Sondyqtan qyzdyŋ äke-şeşesı Qazaqstan men Gruziia tergeuşılerınıŋ "öldı" degen nūsqasymen kelıspeidı.Otandasymyzdyŋ qazasyna qūqyq qorǧau organdary Gruziia azamaty Besik Torduany kınälady. Oǧan qyzdy zorlady degen de aiyp taǧyldy. Alaida küdıktı ūstalǧannan keiın ekı aidan soŋ infarkten türmede qaitys boldy. Qazır Äsel Aitbaevanyŋ ölımıne qatysy bar degen küdıkpen jezdesı Mūrat Meiırbekov qamauda otyr. Oǧan "adam saudasy" jäne "zorlau" baby boiynşa ıs qozǧalǧan. Sotqa deiıngı tergeu-tekserudıŋ jürıp jatqanyna bır jyldan asty. Bügın aldyn ala sot tyŋdalymynyŋ 7 mausymda ötetını belgılı boldy.
"Adyrna" ūlttyq portaly.
