لوندون 9 ملن-عا جۋىق تۇرعىنى بار الەم استاناسىنىڭ ءبىرى عوي. بىراق بۇگىنگىدەي ءنوپىردى ءبىرىنشى رەت كورۋىم.
اعىلشىندار داستۇرگە بەرىك: 260 جىلدان بەرى مونارحتىڭ تۋعان كۇنىندە ونىڭ وتباسى اتتى اسكەرمەن ءجۇرىپ ءوتىپ، (1913 ج. بەرى) ىزىمەن اۋە كۇشتەرى ۇشاقتارىن ۇشىرادى. حالىق سونى كورۋگە جينالادى.
Queen Elizabeth 70 جىل بويى ۇلىبريتانيا مەن سولتۇستىك يرلانديا عانا ەمەس، (كانادا، اۆستراليا، جاڭا زەلانديانى قوسقاندا) 54 ەلدەن تۇراتىن دوستاستىقتىڭ راسىمدىك "مەملەكەت باسشىسى" بولىپ كەلدى.
بريتانيا تاريحىنداعى ەڭ ۇزاق تاقتا وتىرعان مونارح.
ول اتقارۋشى بيلىككە تىكەلەي ارالاسپاسا دا، پارلامەنتتىڭ ءار سەسسياسىن اشادى، (سوعىس نە بەيبىتشىلىك جاريالايدى), رىتسار اتاعىن بەرەدى، مەملەكەت باسشىلارىمەن كەزدەسەدى، تب. راسىمدىك قىزمەتتەر اتقارادى.
كورولەۆانىڭ داۋىرىندە چەرچيللدەن باستاپ 14 پرەمەر قىزمەت ەتتى.
امەريكانىڭ 14 پرەزيدەنتى كوز الدىندا بيلىككە كەلىپ-كەتتى.
ول ءالى كۇنگە كولىك جۇرگىزەدى-ءمىس. بۇل ەلدە كۋالىكسىز جانە مەملەكەتتىك ءنومىرسىز كولىك جۇرگىزە الاتىن جالعىز ادام دا ءوزى.
ەلدەگى ەڭ باي ادامداردىڭ ءبىرى; زاڭعا سايكەس سالىق تولەمەۋىنە بولادى - بىراق تولەپ كەلەدى-ءمىس.
پاسپورتسىز ساياحاتتاي الادى، بىراق ءوزى جانە وتباسى كەي كيىمدەردى كيە المايدى، كەي تاماقتاردى جەي المايدى (مىسالى، ءىش كەپتىرەتىن بۇرشاقتىلار)).
ءححى عاسىردا مونارحيانىڭ بولۋى كۇلكىلى دەپ سانايتىندار بار (مەن دە سول قاتاردانمىن), بىراق بريتاندىقتار ايتەۋىر ەكى ينستيتۋتتى قاتار الىپ ءجۇرۋدىڭ جولىن تاۋىپ وتىرعانداي.
بۇل وتباسى كوپشىلىككە سەلەبريتي رەتىندە قىزىق سياقتى. اسىرەسە The Crown سەريالىنان كەيىن.
پرينتس ەندريۋدىڭ (پاتشايىمنىڭ ورتانشى ۇلى) كامەلەتكە تولماعان قىزدارمەن بايلانىسى، مەگاننىڭ كورولدىك وتباسىندا ناسىلشىلدەر بار دەپ ەمەۋرىن تانىتۋى ءبىراز شۋ بولسا دا، كورولەۆاعا كىر جۇقپاي كەلەدى. ءوزىن ۇستاۋدىڭ، نە ايتىپ، نە ايتپاۋدىڭ ۇلگىسى.
ەليزاۆەتادان كەيىن ورنىنا تۇڭعىشى چارلز وتىرماق. جۇرتشىلىقتىڭ چارلزدىڭ وزىنەن كەيىن "كەزەكتە" تۇرعان ۇلى ۋيليام مەن كەلىنى كەيتكە ىقىلاسى ەرەكشە. بريتان مونارحياسى قانشا ساقتالاتىنىن ۋاقىت كورسەتەدى.
ءاسيا باعداۋلەتقىزى.
