London 9 mln-ǵa jýyq turǵyny bar álem astanasynyń biri ǵoı. Biraq búgingideı nópirdi birinshi ret kórýim.
Aǵylshyndar dástúrge berik: 260 jyldan beri monarhtyń týǵan kúninde onyń otbasy atty áskermen júrip ótip, (1913 j. beri) izimen áýe kúshteri ushaqtaryn ushyrady. Halyq sony kórýge jınalady.
Queen Elizabeth 70 jyl boıy Ulybrıtanııa men Soltústik Irlandııa ǵana emes, (Kanada, Avstralııa, Jańa Zelandııany qosqanda) 54 elden turatyn dostastyqtyń rásimdik "memleket basshysy" bolyp keldi.
Brıtanııa tarıhyndaǵy eń uzaq taqta otyrǵan monarh.
Ol atqarýshy bılikke tikeleı aralaspasa da, Parlamenttiń ár sessııasyn ashady, (soǵys ne beıbitshilik jarııalaıdy), ryar ataǵyn beredi, memleket basshylarymen kezdesedi, tb. rásimdik qyzmetter atqarady.
Korolevanyń dáýirinde Cherchıllden bastap 14 premer qyzmet etti.
Amerıkanyń 14 prezıdenti kóz aldynda bılikke kelip-ketti.
Ol áli kúnge kólik júrgizedi-mis. Bul elde kýáliksiz jáne memlekettik nómirsiz kólik júrgize alatyn jalǵyz adam da ózi.
Eldegi eń baı adamdardyń biri; zańǵa sáıkes salyq tólemeýine bolady - biraq tólep keledi-mis.
Pasportsyz saıahattaı alady, biraq ózi jáne otbasy keı kıimderdi kıe almaıdy, keı tamaqtardy jeı almaıdy (mysaly, ish keptiretin burshaqtylar)).
HHI ǵasyrda monarhııanyń bolýy kúlkili dep sanaıtyndar bar (men de sol qatardanmyn), biraq brıtandyqtar áıteýir eki ınstıtýtty qatar alyp júrýdiń jolyn taýyp otyrǵandaı.
Bul otbasy kópshilikke selebrıtı retinde qyzyq sııaqty. Ásirese The Crown serıalynan keıin.
Prın Endrıýdiń (patshaıymnyń ortanshy uly) kámeletke tolmaǵan qyzdarmen baılanysy, Megannyń koroldik otbasynda násilshilder bar dep emeýrin tanytýy biraz shý bolsa da, korolevaǵa kir juqpaı keledi. Ózin ustaýdyń, ne aıtyp, ne aıtpaýdyń úlgisi.
Elızavetadan keıin ornyna tuńǵyshy Charlz otyrmaq. Jurtshylyqtyń Charlzdyń ózinen keıin "kezekte" turǵan uly Ýılıam men kelini Keıtke yqylasy erekshe. Brıtan monarhııasy qansha saqtalatynyn ýaqyt kórsetedi.
Ásııa Baǵdáýletqyzy.
