نازارباەۆ بيلىگى كەزىندەگى ساياسي قىسىمدار تۋرالى بۇرىن «ناۋرىز بانكتىن» باسقارعان، قارجى ۆيتسە-ءمينيسترى، ۇلتتىق بانك باسشىسىنىڭ ورىنباسارى بولعان ورازالى ەرجان Qasqa Jol Youtube ارناسىنا بەرگەن سۇحباتىندا ايتتى، دەپ حابارلايدى «ادىرنا» ۇلتتىق پورتالى «Ulysmedia.kz»-كە سىلتەمە جاساپ.
ونىڭ سوزىنشە، نازارباەۆتاردىڭ تالابىنا كەلىسپەگەننەن كەيىن وزىنە جالا جابىلىپ، اقشا جىمقىردى دەگەن ايىپپەن تۇرمەگە جاپقان.
«2004 جىلى ماعان پرەمەر-ءمينيستردىڭ ورىنباسارى كارىم ءماسىموۆ تەلەفون سوقتى. «ۇلكەن كىسى (نۇرسۇلتان نازارباەۆ، اۆت.) مىناداي شەشىم قابىلدادى: سەنىڭ بانكىڭە ءاليا نازارباەۆا 50% پارتنەر بولادى» دەدى. وسى ماسەلە بويىنشا بىرنەشە رەت كەزدەستىك. بانكتىڭ وسۋىنە ودان قانداي پايدا بولاتىنىن تالقىلادىق. الماتى قالاسى، گوگول كوشەسى، 39 مەكەن-جايىنداعى عيماراتىمىزدىڭ 12-قاباتىن الياعا كەڭسە قىلىپ بەرۋىمىزدى سۇرادى. تالقىلاي كەلە كارىمگە زۆونداپ، ارىپتەستىك تۋرالى ۇسىنىستان باس تارتتىم»، - دەدى و.ەرجانوۆ.بۇل ۇسىنىسپەن شەكتەلمەي، نازارباەۆتىڭ تاعى ءبىر جاقىنى بانكتەن ۇلەس العىسى كەلگەن. بۇل وقيعادان كەيىن ورازالى ەرجانوۆ رەسەيگە كەتىپ، 2005-2010 جىلدار ارالىعىندا ماسكەۋدە تۇرعان. 2010 جىلى ماسكەۋدە ۇستالىپ، ءبىر جارىم جىل سوندا وتىرىپ، 2011 جىلى قازاقستانعا دەپورتاتسيالاندى. 2012 جىلى 3 ملرد-تان استام اقشا جىمقىردى دەگەن ايىپپەن 5 جىلعا سوتتالدى.
«ادىرنا» ۇلتتىق پورتالى.
