بۇگىنگى رەفەرەندۋمدا العاشقىلاردىڭ ءبىرى بولىپ جاركەنت قالاسىنىڭ تۇرعىنى، 100 جاستاعى زەينەلحان وسپانوۆا اپامىز رەفەرەندۋمعا كەلىپ، ءوز تاڭداۋىن جاسادى.
12 قۇرساق كوتەرگەن التىن القا يەگەرى سانالى عۇمىرىنداعى بارلىق ساياسي ناۋقاندارعا بەلسەندى تۇردە قاتىسىپ كەلەدى ەكەن. اسىرەسە، سوڭعى 30 جىلداعى بارلىق سايلاۋ مەن رەفەرەندۋم ەسىندە قالعانىن ايتتى.
“عاسىر عۇمىر يەسى اركەز جاستارعا ۇلگى بولىپ، مەملەكەتتىڭ ىرگەسىن نىعايتۋ باعىتىنداعى وزگەرىستەرگە قاتىسۋعا تىرىسادى”، -دەيدى رەفەرەندۋم ۋچاسكەسىنىڭ مۇشەلەرى.
ءداستۇر بويىنشا العاشقى داۋىس بەرگەن ادامعا ەستەلىك سىيلىق تابىستالدى. جالپى بۇگىن اۋدان بويىنشا 74 ۋچاسكە ءوز ەسىگىن ايقارا اشتى. وڭىردە داۋىس بەرۋ قۇقىعىنا يە ەلەكتورات سانى 85 مىڭعا جۋىق.
زەينەلحان اپا:«ۇرپاقتارىم امان بولسىن! ارتىمىزداعى جاستار امان بولسىن! جاركەنتىمىز كوركەيە بەرسىن! جاستارىمىز امان بولىپ، وسە بەرسىن! قازاعىمىزدىڭ سانىن كوبەيتە بەرسىن!»،-دەگەن ىزگى تىلەگىن ءبىلدىردى.
