كانادانىڭ مونرەال قالاسىندا مايمىل شەشەگىنە قارسى ۆاكتسينا الۋ باستالدى، دەپ حابارلايدى «ادىرنا» ءتىلشىسى.
ەكپە وسى اۋرۋدى جۇقتىرۋ قاۋپى جوعارى تۇرعىندارعا سالىنىپ جاتىر.
ەپيدەميولوگتاردىڭ ايتۋىنشا، سوڭعى ەكى اپتادا اۋرۋ جۇقتىرعان ناۋقاستارمەن بايلانىستا بولعان تۇرعىندار دا ەگىلۋى ءتيىس.
ايتا كەتەيىك، كانادادا مايمىل شەشەگىنىڭ راستالعان 77 جاعدايى انىقتالعان. ولاردىڭ كوپشىلىگى كۆەبەك پروۆينتسياسىندا تىركەلىپ وتىر.
دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا، قازىرگى تاڭدا الەمنىڭ 30 ەلىندە 911 ادام وسى دەرتتى جۇقتىرعان.
