سەمەيدە ەسىرتكىنىڭ اسا ءىرى پارتياسى تاركىلەندى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
شىعىس قازاقستان وبلىسىنىڭ پوليتسەيلەرى ەسىرتكى قىلمىسىنا قارسى ءىس-قيمىلدى كۇشەيتۋگە باعىتتالعان “قاراسورا-2022” جەدەل الدىن الۋ ءىس-شاراسىن جالعاستىرۋدا. جۇرگىزىلگەن جەدەل ءىس-شارالار ناتيجەسىندە، سەمەي قالاسىندا ەسىرتكى زاتتارىن جەتكىزۋ جانە وتكىزۋ ارناسىن رەتتەمەك بولعان 38 جاستاعى قالا تۇرعىنى انىقتالدى.
جەدەل ۋاكىلدەر قاسكويدى قىلمىس ۇستىندە ۇستادى. ءتىنتۋ بارىسىندا ونىڭ ۇيىنەن 25 كەلىدەن استام ماريحۋانا تابىلدى. – كۇدىكتى ماريحۋانانىڭ ءىرى پارتياسىن 335 پوليەتيلەن پاكەتكە سالىپ، ولاردى قالا جاستارىنا ودان ءارى ساتۋ ءۇشىن دايىندادى. قازىرگى ۋاقىتتا ونىڭ ارەكەتتەرى قر قك-ءنىڭ 296-بابى 4-بولىگى بويىنشا سارالانادى جانە سوتتىڭ سانكتسياسىمەن ول قاماۋعا الىندى، – دەدى شقو پوليتسيا دەپارتامەنتى باستىعىنىڭ ورىنباسارى تالعات شاياحمەتوۆ.
