نۇر-سۇلتان قالاسى سارىارقا اۋدانىنىڭ №2 اۋداندىق سوتى قيىن ومىرلىك جاعدايداعى بالالاردى قولداۋ ورتالىعىنىڭ باس ەسەپشىسى مەن مەردىگەرگە قاتىستى اقشا جىمقىرۋ فاكتىسى بويىنشا ايىپتى ۇكىمى شىقتى، دەپ حابارلايدى "ادىرنا" ۇلتتىق پورتالى.
"ورتالىقتىڭ باس ەسەپشىسى 2019 جانە 2020 جىلدارداعى مۇددەسىن بۇرىنعى كۇيەۋى باسقارعان "Z" جشس-نە ازىق-تۇلىك ونىمدەرىن جەتكىزۋ بويىنشا وتكىزىلگەن تەندەرلەردە ازىق-تۇلىك ونىمدەرىن ناقتى جەتكىزبەي اقشا اۋدارۋ ارقىلى تابىسقا كەڭەلىپ وتىرعان. ولار جالپى سوماسى 25 862 132 تەڭگەنىڭ اقشاسىن جىمقىرعان", — دەيدى نۇر-سۇلتان قالاسى سارىارقا اۋدانىنىڭ №2 اۋداندىق سوتىنىڭ ءباسپاسوز قىزمەتى.
ءباسپاسوز حابارلاماسىندا اتاپ وتىلگەندەي، قىلمىستىق كودەكستىڭ 189-بابى 4-بولىگىنىڭ 2-تارماعىنىڭ سانكتسياسىندا 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
سوتتا سوتتالعانداردىڭ كامەلەتكە تولماعان ءۇش بالاسى بار ەكەنى، سونداي-اق 25 156 051 تەڭگە كولەمىندەگى زياندى ەرىكتى تۇردە وتەۋ جاۋاپكەرشىلىك پەن جازانى جەڭىلدەتەتىن ءمان-جايلار رەتىندە انىقتالدى. وتەلمەگەن شىعىن كولەمى 301 069 تەڭگە.
"ادىرنا" ۇلتتىق پورتالى
