قازاقستاننىڭ ەڭبەك سىڭىرگەن سپورتشىسى جانە جاتتىقتىرۋشىسى داۋلەت تۇرلىحانوۆ "ديكي ارمان" لاقاپاتىمەن بەلگىلى ارمان جۇماگەلديەۆپەن كەزدەسۋى تۋرالى Talk Like باعدارلاماسىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
سونىمەن قاتار تۇرلىحانوۆ ساياساتتا ديكي ارمان سەكىلدى ازاماتتاردىڭ كەرەك ەكەنىن مالىمدەدى.
"ول كەزدە بەلگرادتا كۇرەس فەدەراتسياسىنىڭ ۇلكەن كونگرەسى وتكەن. مۇنىمەن قاتار بوكستان الەم چەمپيوناتى ءجۇرىپ جاتتى. قوناق ءۇيدىڭ استىنداعى ءدامحانادا وتىرعاندا ارماندى كورىپ قالدىم. ول كەلىپ، امانداستى. بىرگە سۋرەتكە تۇستىك. كەيىن بوكسشىلارعا سىياقىسىن بەرىپتى. ەندى ديكي ارمان تۋرالى جامان ەشتەڭە ايتا المايمىن. سەبەبى ءوز كوزىممەن كورگەن جوقپىن، الىپ-قاشپا اڭگىمەگە ىلەسپەيمىن", – دەدى سۇحباتىندا.
ەڭبەك سىڭىرگەن جاتتىقتىرۋشى ساياساتتا ارمان سەكىلدى ازاماتتارعا مۇمكىندىك بەرۋ كەرەك دەيدى.
"ساياساتتا ارمانعا ۇقساعان ءتىپتى ودان اسىپ تۇسەتىن ازاماتتارعا مۇمكىندىك بەرۋ كەرەك. ويتكەنى ءوسىپ كەلە جاتقان جاستارعا قاراۋى قاجەت. ەگەر باقىلاۋ بولماسا، جاستار بىرىگىپ، ءتۇرلى توپتار پايدا بولادى. ايتايىن دەگەنىم، قازاقتىڭ جاس باتىرلارى كەرەك. وكىنىشكە وراي، قازىر ەشكىمدى باتىر دەپ ايتا المايمىز. بۇل – مەملەكەتتىڭ كەمشىلىگى", – دەيدى ول.
“ادىرنا” ۇلتتىق پورتالى
