بۇل تۋرالى ماڭعىستاۋ وبلىستىق سوتى مالىمدەدى. بەلگىلى بولعانداي، شەنەۋنىكتەر كاسىپكەرگە جەر تەلىمىن جالعا بەرۋ مەرزىمىن ۇزارتۋدان زاڭسىز باس تارتقان. سوت شەشىمىمەن اقتاۋ قالاسىنىڭ اكىمىنە 153 000 تەڭگە ايىپپۇل سالىندى.
بارلىعى كاسىپكەردىڭ اقتاۋ قالاسىنىڭ اكىمى مەن اقتاۋ قالالىق جەر قاتىناستارى، ساۋلەت جانە قالا قۇرىلىسى ءبولىمىن سوتقا بەرۋىنەن باستالدى. سوت شەنەۋنىكتەردىڭ زاڭسىز ارەكەت جاساعانىن انىقتاپ، ولارعا جەر تەلىمىن جالعا بەرۋ مەرزىمىن ۇزارتۋ ماسەلەسى بويىنشا ءبىر اي مەرزىمدە تالاپكەردىڭ پايداسىنا ءتيىمدى اكىمشىلىك اكت قابىلداۋدلى تاپسىردى.
الايدا وسى ۋاقىتقا دەيىن سوت شەشىمى ورىندالماعان، جەتكىلىكتى ۋاقىت وتسە دە قالا اكىمى قولايلى اكىمشىلىك اكتى قابىلداۋعا ەشقانداي شارا قولدانباعان. اكىمشىلىك كودەكستىڭ تالاپتارىنا سايكەس سوت شەشىمدەرىن ورىنداۋ سوتتىڭ باقىلاۋىندا جانە ولاردى ورىنداۋدان جالتارۋ 50 اەك مولشەرىندە اقشالاي ءوندىرىپ الۋعا اكەپ سوعادى.
ناتيجەسىندە سوت اقتاۋ قالاسىنىڭ اكىمىنە قاتىستى 50 اەك مولشەرىندە، ياعني 153 150 تەڭگە اقشالاي ءوندىرىپ الۋ شاراسىن قابىلدادى. سونداي-اق، اتالعان سوت شەشىمىن ورىنداۋعا قوسىمشا 10 جۇمىس كۇن ۋاقىت بەرىلگەن.
اكىم اقشالاي ءوندىرىپ الۋدى 5 كۇن ىشىندە تولەۋى جانە سوت شەشىمىن 10 كۇن ىشىندە ورىنداۋى كەرەك، ايتپەسە اقشالاي ءوندىرىپ الۋ 10 اەك-كە ۇلعايتىلعان مولشەردە قايتا قولدانىلاتىن بولادى. سونداي-اق، زاڭنامالىق اكتىلەردە ادامدى سوت اكتىسىن ورىنداماعانى ءۇشىن جاۋاپكەرشىلىككە تارتۋ كوزدەلگەن.
"ادىرنا" ۇلتتىق پورتالى
