واحاكا شتاتىن "اگاتا" داۋىلى تالقانداپ ءوتتى، دەپ حابارلايدى "ادىرنا" ۇلتتىق پورتالى "Zakon.kz"-كە سىلتەمە جاساپ.
ايماق گۋبەرناتورى الەحاندرو مۋرات شىعىندار ەسەپتەلگەنىن، 28 مىڭ باسپانا مەن 191 مەكتەپ قالپىنا كەلتىرۋدى قاجەت ەتەتىنىن حابارلادى. قازىر كوپتەن جىلۋ جيناۋ ءجۇرىپ جاتىر.
تاسس مالىمەتىنشە، جالپى العاندا 100 مىڭنان استام ادام ماتەريالدىق شىعىنعا ۇشىرادى. اپاتتىڭ سالدارىن جويۋ ءۇشىن شتاتتىڭ 69 مۋنيتسيپاليتەتىندە توتەنشە جاعداي جاريالاندى. زارداپ شەككەن حالىققا شامامەن 4 مىڭعا جۋىق اسكەري قىزمەتشى كومەكتەسىپ جاتىر.
تىنىق مۇحيتى ۇستىندە پايدا بولعان، ساففير - سيمپسون شكالاسى بويىنشا بەس ساناتتىڭ ەكىنشىسىن قۇرايتىن داۋىل 30 مامىردا واحاكا ايماعىندا قۇرلىققا شىعىپ، جان-جاقتى جايپاپ ءوتتى. تسيكلوننىڭ سالدارىنان نوسەر جاڭبىر جاۋىپ، ول سۋ تاسقىنى مەن لاي كوشكىنىن تۋدىردى.
ناقتىلانعان مالىمەتتەر بويىنشا، تابيعي اپاتتان توعىز ادام قازا تاۋىپ تاعى بەسەۋى حابار-وشارسىز كەتكەن.
"ادىرنا" ۇلتتىق پورتالى
