ەنەرگەتيكا ءمينيسترى بولات اقشولاقوۆ ارنايى بريفينگتە الماتى وبلىسى ۇلكەن اۋىلى ماڭىنداعى بالقاش كولىنە جاقىن جەردەن اەس سالۋ قانشالىقتى قاۋىپسىز ەكەنىن ايتتى، دەپ حابارلايدى "ادىرنا" ۇلتتىق پورتالى "Zakon.kz"-كە سىلتەمە جاساپ.
ءمينيستردىڭ ايتۋىنشا، قازاقستاننىڭ بارلىق وڭىرىندە سەيسميكالىق قاۋىپ بار. بۇل مالىمەتتەر 2006 جىلى الىنعان.
ء"تىپتى، تاۋى جوق وڭىرلەردى الالىق، مىسالى، باتىس قازاقستاندا تەحنوگەندىك سەيسميكالىق قاۋىپ بار، ويتكەنى مۇندا مۇناي مەن گاز ءوندىرىسى ءجۇرىپ جاتىر، سونداي-اق ول ارادا تەكتونيكالىق پليتالار بار. ولاردىڭ قوزعالىپ كەتۋ مۇمكىندىگىن ەشكىم جوققا شىعارا المايدى. اەس-تىڭ ورنالاسۋ ورنىن تاڭداۋ كەزىندە كليمات، سۋدىڭ بولۋى ەسكەرىلەدى. وسىنىڭ بارلىعىن قورىتىندىلاي كەلە، ءبىز بولاشاقتا اتوم ەلەكتر ستانتسياسىن ورنالاسۋىنا بالقاش كولىنىڭ اۋدانى نەعۇرلىم وڭتايلى بولىپ تابىلادى دەپ ەسەپتەدىك", — دەيدى بولات اقشولاقوۆ.
"ادىرنا" ۇلتتىق پورتالى
