الماتىدا رۇقسات ەتىلمەگەن اكتسيادا قايتىس بولعان ادامعا قاتىستى قىلمىستىق ءىس قوزعالدى. ناتيجەسىندە ەر ادامنىڭ ولىمىنە كىنالى تۇرعىن ۇستاۋ يزولياتورىنا قامالدى، دەپ حابارلايدى "ادىرنا" ۇلتتىق پورتالى.
الماتى قالالىق پوليتسيا دەپارتامەنتىنىڭ حابارلاۋىنشا، 11 ماۋسىمدا ءبىر توپ ازامات گاگارين كوشەسىندەگى جولدى جاۋىپ تاستاعان. رۇقسات ەتىلمەگەن اكتسياعا قاتىسۋشىلاردىڭ ءبىرى، 1980 جىلى تۋعان م.ەسىمدى ازامات جانجال كەزىندە قوزعالىسىن بوگەپ قويعان كولىكتەردىڭ ءبىرىنىڭ جۇرگىزۋشىسى 1974 جىلى تۋعان ك.ەسىمدى ازاماتقا دەنە جاراقاتىن سالعان. ناتيجەسىندە جابىرلەنۋشى قايتىس بولعان.
"م.ەسىمدى ازاماتتىڭ ارەكەتى قر قك-ءنىڭ 106 بابى 3 بولىگىمەن سارالانادى. ول ۋاقىتشا ۇستاۋ يزولياتورىنا قامالدى. سونىمەن قاتار، رۇقسات ەتىلمەگەن اكتسيانى ۇيىمداستىرۋشىلاردىڭ تاعى تورتەۋى اكىمشىلىك جاۋاپكەرشىلىككە تارتىلدى. سوتقا دەيىنگى تەرگەۋ باستالدى", — دەلىنگەن دەپارتامەنت حابارلاماسىندا.
"ادىرنا" ۇلتتىق پورتالى.
