قاراعاندى وبلىسىنىڭ شەت اۋدانىندا بەلگىسىز ىندەتتەن 76 باس مال قىرىلدى. تاعى 150-گە جۋىق ءىرى قارانى ماماندار باقىلاۋدا ۇستاپ وتىر، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
«اۋرۋ سيمپتومدارى «قاراسان» دەرتىنە ۇقسايدى. ول جاس مالدا ءجيى كەزدەسەدى. قاجەتتى اناليزدەر الىنىپ، ساراپتاماعا جىبەرىلدى. بىرەر كۇندە ناقتى دياگنوز قويىلىپ، ءتيىستى شارالار قابىلدانادى. سونداي-اق اۋرۋ دالەلدەنگەن جاعدايدا ۆاكتسينالاۋ جۇمىسىن جۇرگىزۋ ماسەلەسى دە قارالىپ جاتىر. بىراق، وبلىستا ۆاكتسينا تاپشىلىعى بار. قازىر ءوڭىر تەك 30 پروتسەنتكە قامتىلعان، - دەيدى ماماندار.
