ۇلتتىق قۇرىلتايدىڭ مۇشەسى، فيزيكا-ماتەماتيكا عىلىمدارىنىڭ دوكتورى، قر ۇلتتىق عىلىم اكادەمياسىنىڭ اكادەميگى اسقار جۇمادىلداەۆ "Nege.kz"-كە بەرگەن سۇحباتىندا جاڭا قازاقستان جانە ۇلتتىق قۇرىلتاي تۋرالى پىكىرىن ايتتى، دەپ حابارلايدى "ادىرنا" ۇلتتىق پورتالى.
"مەن ءۇشىن جاڭا قازاقستان دەگەن ۇعىم ءۇش نارسەدەن تۇرادى. ءبىرىنشى، ءسوز بەن ءىستىڭ جاقىندىعى. ەكىنشى – ادىلەتتىلىك. ءۇشىنشى – جالقى ۇمتىلىس. وسى ۇشەۋى ورىندالسا، توبەدەگى كەلەدى. ورىندالماسا، مىلجىڭ ەل بولىپ قالامىز.
مىنە، وسى ۇشەۋىن الىپ قاراعاندا، پرەزيدەنت توقاەۆتىڭ ءىسى دۇرىس باعىتتا كەلە جاتىر. شىنىمدى ايتسام، بۇل كىسىگە ىشكى سيمپاتيام بار. سوندىقتان دا بۇل ۇسىنىستى قابىلدادىم. ارينە، مۇنداي اڭگىمەلەر بۇرىن دا بولعان. ۇلتتىق كەڭەس دەگەن بولدى. جالپى، مەن ايتاتىنىمدى ايتىپ ءجۇرمىن. پرەزيدەنت پىكىرىمدى قابىل الدى. ءوزىم كوپ ەمەس، عىلىم-ءبىلىم، قوعام، ءتىل جونىندە ءۇش-ءتورت كولەمدى ماقالا جازدىم. سونى وقىعان ەكى-ءۇش-اق ادام بار. سونىڭ ءبىرى – قاسىم-جومارت توقاەۆ. مەن ونى انىق كوردىم", — دەدى ول.
سونداي-اق عالىم پرەزيدەنتتىڭ ادامدى تىڭداي بىلەتىنىن جانە ودان قورىتىندى جاساي بىلەتىنىن، قازىر مەملەكەت باسشىسىنىڭ باستاماسىمەن عىلىم-بىلىمگە ەرەكشە كوڭىل اۋدارىلىپ جاتقاندىعىن ايتتى. اكادەميك عىلىم جانە ءبىلىم مينيسترلىگىنىڭ ەكىگە بولىنگەنىنە دە پىكىر ءبىلدىردى.
"مينيسترلىكتىڭ بولىنگەنىنە كەلسەم، جاڭا مينيسترلىكتە سونشالىقتى الىپ بارا جاتقان جۇمىس جوق. ونىڭ پايداسىن قازىر كورىپ تۇرعام جوق. بىراق جاس جىگىتتىڭ ىسىنە قاراپ كورەيىك", —دەدى ول.
"ادىرنا" ۇلتتىق پورتالى
