Ūlttyq qūryltaidyŋ müşesı, fizika-matematika ǧylymdarynyŋ doktory, QR Ūlttyq ǧylym akademiiasynyŋ akademigı Asqar Jūmadıldaev "Nege.kz"-ke bergen sūhbatynda Jaŋa Qazaqstan jäne Ūlttyq qūryltai turaly pıkırın aitty, dep habarlaidy "Adyrna" ūlttyq portaly.
"Men üşın Jaŋa Qazaqstan degen ūǧym üş närseden tūrady. Bırınşı, söz ben ıstıŋ jaqyndyǧy. Ekınşı – ädılettılık. Üşınşı – jalqy ūmtylys. Osy üşeuı oryndalsa, töbedegı keledı. Oryndalmasa, myljyŋ el bolyp qalamyz. Mıne, osy üşeuın alyp qaraǧanda, prezident Toqaevtyŋ ısı dūrys baǧytta kele jatyr. Şynymdy aitsam, būl kısıge ışkı simpatiiam bar. Sondyqtan da būl ūsynysty qabyldadym. Ärine, mūndai äŋgımeler būryn da bolǧan. Ūlttyq keŋes degen boldy. Jalpy, men aitatynymdy aityp jürmın. Prezident pıkırımdı qabyl aldy. Özım köp emes, ǧylym-bılım, qoǧam, tıl jönınde üş-tört kölemdı maqala jazdym. Sony oqyǧan ekı-üş-aq adam bar. Sonyŋ bırı – Qasym-Jomart Toqaev. Men ony anyq kördım", — dedı ol.Sondai-aq ǧalym Prezidenttıŋ adamdy tyŋdai bıletının jäne odan qorytyndy jasai bıletının, qazır Memleket basşysynyŋ bastamasymen ǧylym-bılımge erekşe köŋıl audarylyp jatqandyǧyn aitty. Akademik ǧylym jäne bılım ministrlıgınıŋ ekıge bölıngenıne de pıkır bıldırdı.
"Ministrlıktıŋ bölıngenıne kelsem, jaŋa ministrlıkte sonşalyqty alyp bara jatqan jūmys joq. Onyŋ paidasyn qazır körıp tūrǧam joq. Bıraq jas jıgıttıŋ ısıne qarap köreiık", —dedı ol.
"Adyrna" ūlttyq portaly
