بەلگىلى جۋرناليست قاسىم امانجول ۇلتتىق قۇرىلتايدا كوتەرىلۋگە ءتيىس ماسەلەلەردى تىزبەلەپ ايتىپ بەردى، دەپ حابارلايدى "ادىرنا" ۇلتتىق پورتالى
"قۇرىلتايدا ەسكەرتۋسىز وق اتىپ ءولتىرۋ بۇيرىعىن بەرگەنى ءۇشىن حالىقتان كەشىرىم سۇرالا ما؟ قاڭتاردا الاڭعا شىققان جاستارعا امنيستيا بەرىلە مە؟ (اسا اۋىر قىلمىستارعا قاتىسى ناقتى دالەلدەنبەگەندەردى). مارقۇمدار وتباسى مەن زارداپ شەككەندەرگە تۇگەلدەي، الالاماي كومەك تاعايىندالا ما؟ قازا بولعاندار مەن ءىز-ءتۇزسىز جوعالعاندار ءتىزىمى جاريالانا ما؟ قاڭتاردا حالىققا وق اتقان، اتقىزعان سولداتتار مەن وفيتسەرلەر قاشان قامالادى؟ ەكس-پرەزيدەنتتىڭ ۇقك ءبىرىنشى ورىنباسارى بولعان ءىنىسى مەن تۋعان ءىنىسىنىڭ قاڭتار وقيعاسىنا قاتىسى بار-جوعىنا جاۋاپ قاشان بەرىلەدى؟ ولار ەلدە مە، قايدا؟ جاڭاوزەندە نارازى بولىپ تۇرعان جۇمىسشىلار مەن جۇمىسسىزدار ماسەلەسى، جالپى ەلدەگى جۇمىسسىزدىق، تابىستىڭ ازدىعى، جاپپاي كەدەيلەنۋ، قايىرشىلانۋ ماسەلەسىن بيلىك قالاي شەشپەك؟ نازارباەۆ اۋلەتى جەكەشەلەندىرىپ العان ميللياردتاعان اكتيۆتەر قايتارىلا ما؟ ءتۇرلى جولمەن جەكەگە وتكەن ميلليونداعان گەكتار جەردى ورالتۋ ويى بار ما؟ جايىلىمسىز قالعان اۋىل ماسەلەسىن شەشە مە؟", — دەپ جازدى ول فەيسبۋك پاراقشاسىندا.
سونداي-اق جۋرناليست سايلاۋ تۋرالى، ساياسي پارتيالار تۋرالى زاڭداردىڭ تۇبەگەيلى وزگەرىسى مەن ساياسي تۇتقىنداردى بوساتۋ تۋرالى ماسەلەلەر قوزعالۋ كەرەكتىگىن اتاپ ءوتتى.
"ادىرنا" ۇلتتىق پورتالى
