كەشە تۇندە “شىمقالا” تاريحي-مادەني كەشەنىندە وتكەن “مۋزەيدەگى ءتۇن" تاريحي ءىس-شارانى تاماشالاۋعا قالا تۇرعىندارى كوپتەپ جينالدى. بۇل مەرەكەلىك باعدارلاما قالا كۇنىنە ارنالدى.
ءىس-شارانىڭ ماقساتى - قالا تۇرعىندارى مەن قوناقتارىنا كونە شىمكەنت تاريحىن ناسيحاتتاۋ، جادىگەرلەرمەن تانىستىرۋ، جاستاردى تاريحتى زەرتتەۋگە، جادىگەرلەردى قاستەرلەۋگە ۇيرەتۋ.
مەرەكەلىك باعدارلاما "شىمقالا داستانى" تەاترلاندىرىلعان حورەوگرافيالىق قويىلىممەن باستالدى.
كاسكادەرلەر شوۋىندا اسكەري جاتتىعۋلاردان شەبەرلىك ساعاتتتارى جانە ءتۇرلى ويىن تۇرلەرى كورسەتىلىپ، شىمكەنت قالاسىنىڭ ونەرپازدارىنىڭ قاتىسۋىمەن اشىق اسپان استىندا ەتنو-فولكلورلىق كونتسەرت ۇسىنىلدى.
"قورقىتتىڭ كورى" تەاترلاندىرىلعان قويىلىم دا قالا تۇرعىندارىنا كەرەمەت اسەر سىيلادى.
اشىق اسپان استىنداعى "شىمقالا" كەشەنى تۋرالى دەرەكتى ءفيلمنىڭ تۇساۋى كەسىلىپ، حورەوگرافيالىق قويىلىم، سۋ جانە وت شوۋلارى ۇيىمداستىرىلدى.
