«الماتى» اۋدانى پوليتسيا باسقارماسىنىڭ قىزمەتكەرلەرى اقشا مەن ازىق-تۇلىك ۇرلادى دەگەن كۇدىكپەن تۇراقتى مەكەنجايى جوق 37 جاستاعى ەر ادامنىڭ جەكە باسىن انىقتادى، دەپ حابارلايدى «ادىرنا» ءتىلشىسى قالالىق پد-عا سىلتەمە جاساپ.
«ۇرلىق تۋرالى پوليتسياعا جۇماباەۆ كوشەسىندەگى "جەرۇيىق" ساياباعىندا ورنالاسقان "براۋن" كافەسىنىڭ يەسى حابارلادى، ول كەلەسى كۇنى ءۇي-جايعا بىرەۋدىڭ زاڭسىز كىرگەنىن بايقاعان.
تەرگەۋ بارىسىندا پوليتسەيلەر كۇدىكتىنىڭ تۇندە جابىق تۇرعان كافەگە كەلگەنىن انىقتادى. قۇلىپتى بۇزۋ ارقىلى ىشكە كەدەرگىسىز كىرگەن. ءوزىن جازالانبايتىن سەزىنىپ، ول تاڭەرتەڭگە دەيىن تاعى ءۇش رەت بىرەۋدىڭ مەنشىگىنە باسىپ كىرگەن. ءبىر تۇندە ۇرى كاسسادان قولما-قول اقشا مەن تاماق ۇرلاپ ۇلگەرگەن»،– دەلىنگەن حابارلامادا.
ۇستالعان ازامات كىناسىن مويىندادى. وعان قاتىستى سوتقا دەيىنگى تەرگەۋ جۇرگىزىلۋدە.
<
