وقۋ-اعارتۋ ءمينيسترى اسحات ايماعامبەتوۆ پاۆلودار قالاسىندا حالىق الدىندا ەسەپ بەرۋ كەزدەسۋىن وتكىزدى، دەپ حابارلايدى «ادىرنا» ءتىلشىسى.
وعان ءوڭىردىڭ 300-گە جۋىق تۇرعىنى قاتىستى. ەكى ساعاتتان استام ۋاقىت بويى جينالعان قاۋىم وزدەرىن قىزىقتىرعان سۇراقتارىن قويدى.
«ءتۇرلى سۇراقتار قويىلدى، ولاردىڭ ارقايسىسىنا جاۋاپ بەرۋگە تىرىستىم. اتاپ ايتقاندا، بالالاردىڭ مەكتەپتەگى قاۋىپسىزدىگى، اسحاناداعى تاماقتانۋ، وليمپيادا جەڭىمپازدارىن ىنتالاندىرۋ، وقۋشىلاردىڭ وقۋ جەتىستىكتەرىنىڭ مونيتورينگى، وقۋ باعدارلامالارى، پمپك (پسيحولوگيالىق-مەديتسينالىق-پەداگوگيكالىق كابينەتتەر) جۇمىسى تۋرالى ماسەلەلەر، «جالپىعا مىندەتتى ءبىلىم بەرۋ» قورى اياسىندا كومەكتى ءبولۋ جانە باسقا دا ماڭىزدى تاقىرىپتار بار.
كوتەرىلگەن بارلىق سۇراق پەن ۇسىنىس باقىلاۋدا بولادى. وبلىس اكىمدىگىنىڭ قۇزىرىنداعى سۇراقتار جەرگىلىكتى دەڭگەيدە شەشىلەدى. قالعان ماسەلەلەر بويىنشا مينيسترلىك قىزمەتكەرلەرى بارلىق قاجەتتى جۇمىستى جۇرگىزەدى»،– دەدى ۆەدومستۆو باسشىسى.
