دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى رەسمي وكىلى كەرولاين كلارينۆال "دەنى ساۋ ۇلت" ۇلتتىق مەديتسينالىق ءسامميتى بارىسىندا ددۇ ەۋروپالىق وڭىرلىك بيۋروسىنىڭ ديرەكتورى حانس كليۋگە اتىنان قر دەنساۋلىق ساقتاۋ ءمينيسترى اجار عينياتقا ماراپاتتى تابىس ەتتى، دەپ حابارلايدى «ادىرنا» ءتىلشىسى.
"بۇگىن قازاقستاننىڭ دەنساۋلىق ساقتاۋ ءمينيسترى اجار عينياتقا دوكتار حانس كلۋگە اتىنان جانە ددۇ ەۋروپالىق وڭىرلىك بيۋروسىنىڭ جانە ددۇ قازاقستانداعى ەلدىك ءوفيسىنىڭ بارلىق قىزمەتكەرلەرى اتىنان ماراپاتتى تابىستاۋ مەن ءۇشىن ۇلكەن قۇرمەت. قازاقستاندا 19 ماۋسىم كۇنى اتالىپ وتىلەتىن مەديتسينا قىزمەتكەرلەرىنىڭ كەلە جاتقان كۇنىنە بايلانىستى، دوكتور عينياتقا ماراپاتىن تاپسىرۋ ەرەكشە تولقىتارلىق. دوكتور عينيات، مەن قازاقستانداعى پاندەميامەن كۇرەسكە قوسقان زور ۇلەسىڭىز ءۇشىن العىس ايتامىن جانە سىزگە جانە قازاقستاننىڭ بارلىق دەنساۋلىق ساقتاۋ قىزمەتكەرلەرىنە زور دەنساۋلىق، اماندىق تىلەيمىن، ءوزىڭىزدى قورعاڭىز", - دەدى كەرولاين كلارينۆال.
