نۇر-سۇلتاندا ەر ادام وزىمەن تانىسۋدان باس تارتقان ايەلدى توناپ كەتكەن. بۇل تۋرالى قالالىق پد ايتتى، دەپ حابارلايدى «ادىرنا» ءتىلشىسى.
«ەلوردا تۇرعىنى پوليتسياعا بەلگىسىز ادامنىڭ ساعات 05.00 شاماسىندا بەيبىتشىلىك كوشەسىندە ونىڭ "ايفون 11" ماركالى ۇيالى تەلەفونىن اشىق تۇردە ۇرلاپ كەتكەنىن ايتىپ شاعىمدانعان. جەدەل-ىزدەستىرۋ ءىس-شارالارىن جۇرگىزۋ بارىسىندا "سارىارقا" اۋدانىنىڭ پوليتسيا قىزمەتكەرلەرى 36 جاستاعى قالا تۇرعىنىن ۇستادى. تەرگەۋ بارىسىندا 32 جاستاعى جابىرلەنۋشىنىڭ كافەدە دەمالىپ وتىرعاندا كۇدىكتىمەن تانىسقانى انىقتالدى. كافە جابىلعاننان كەيىن، ەر ادام ونىمەن بىرگە بارىپ، تانىستىقتى ءارى قاراي جالعاستىرۋعا شاقىرعان. بىراق ايەل باس تارتقان. بۇل ەر ادامنىڭ نامىسىنا ءتيىپ، ايەلدىڭ ۇيالى تەلەفون الىپ قاشىپ كەتكەن»،– دەپ ءتۇسىندىردى ۆەدومستۆو.
قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر.
