باتىس قازاقستان وبلىسىنىڭ جاڭاقازان اۋىلىندا 4 جاسار بالانى توق سوعىپ، ناتيجەسىندە ءبۇلدىرشىن ەكى قولىنان ايىرىلدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
ول ەلەكتر ستانتسياسىنىڭ اۋماعىنا كىرىپ كەتكەن. بالا وبلىستىق اۋرۋحاناعا جەدەل جەتكىزىلگەن. الايدا جاراقاتى اۋىر بولعاندىقتان، دارىگەرلەر امپۋتاتسيا جاساۋعا ءماجبۇر بولدى.
زارداپ شەككەن امانجول سيسەنعاليەۆ وتباسىنداعى 4 بالانىڭ كىشىسى. ماماندار جاعدايى ورتاشا اۋىر دەپ باعالاپ وتىر.
قازىرگى تاڭدا ەرىكتىلەر قور قۇرىپ، بالاعا پروتەز الۋ ءۇشىن قاراجات جيناۋعا كىرىستى.
ايتا كەتۋ كەرەك، ايماقتا ەلەكتر توراپتارىنىڭ 83% ابدەن ەسكىرگەن. توزعان جەلىلەر ءجيى ءۇزىلىپ، ادامعا دا، مالعا دا قاۋىپ ءتوندىرىپ وتىر. ال تۇرعىندار سالا ماماندارى سالعىرت دەپ اشىنادى. وقىس جاعدايعا قاتىستى قىلمىستىق ءىس قوزعالىپ، تەرگەۋ ءجۇرىپ جاتىر.