«كىرگىز تەمير جولۋ» ۇلتتىق كومپانياسى فيليالىنىڭ ۆاگون جوندەۋ زاۋىتىندا ىستەن شىققان ۆاگوندار قايتا جوندەلىپ، پايدالانۋعا بەرىلدى. قاتىناس قۇرالى رەسپۋبليكاىشىلىك ترافيككە ارنالعان، دەپ حابارلايدى «ادىرنا» ءتىلشىسى تاسىمالداۋشىنىڭ رەسمي سايتىنا سىلتەمە جاساپ.
قاۋىپسىزدىك ماقساتىندا كۋزوۆتىڭ كونسترۋكتسياسىن وزگەرتپەي جوندەۋ جۇرگىزىلدى.
سونداي-اق ۆاگوننىڭ ىشكى ينتەرەرى جاقسارتىلعان. اتاپ ايتساق، پانورامالىق تەرەزەلەر مەن جاڭا كرەسلولار ورناتىلدى. قىسقى-جازعى اۋانى باپتاۋ جۇيەلەرى، سۋسىنداردى سالقىنداتۋعا ارنالعان توڭازىتقىش جانە اۋىز سۋعا ارنالعان كۋلەر ەنگىزىلدى.
كومپانيا ۆاگوندى ءوز قاراجاتىنا جۇرگىزدى. بۇعان دەيىن 30 جىل ىشىندە قىرعىز تەمىر جولى جاڭا جولاۋشىلار ۆاگوندارىن ساتىپ الماعان بولاتىن.
