20 ماۋسىم كۇنى ەرتىس وزەنىندە 1985 جىلى تۋعان ەر ادام جابدىقتالماعان جەردە سۋعا باتىپ كەتتى، دەپ حابارلايدى «ادىرنا» ءتىلشىسى.
«شقو تجد جەدەل قۇتقارۋ جاساعىنىڭ سۇڭگۋىرلەرى كۇشىمەن ىزدەستىرۋ جۇمىستارى جۇرگىزىلدى. 21 ماۋسىمدا 10 ساعات 57 مينۋتتا ىزدەۋ توبى سۋدان 40 مەتر قاشىقتىقتا، شامامەن 5 مەتر تەرەڭدىكتە ءمايىتتى تاپتى. قۇتقارۋشىلار اتاپ وتكەندەي، سۋ قويماسىنداعى بۇل جەر تەرەڭ شۇڭقىرلار كوپ بولعان جانە قاۋىپسىزدىك شارالارىنا ساي كەلمەگەن»،— دەلىنگەن حابارلامادا.
سونىمەن قاتار، تج قىزمەتكەرلەرى وسى ۋچاسكەدە پوليتسيامەن بىرلەسىپ تۇراقتى نەگىزدە رەيدتەر جۇرگىزەدى.
رەيدتەر ناتيجەلەرى بويىنشا سپيرتتىك ىشىمدىكتەر ىشكەنى ءۇشىن 440-باپ بويىنشا 3 اكىمشىلىك ماتەريال جانە اكىمشىلىك قۇقىق بۇزۋشىلىق تۋرالى قر كودەكسىنىڭ 364-بابى بويىنشا ورتاق سۋ پايدالانۋ قاعيدالارىن بۇزعانى ءۇشىن 10 حاتتاما جاسالدى.
