جوعارعى سوتتىڭ تۇسىك جاساتۋ قۇقىعىنا تىيىم سالۋ تۋرالى زاڭىنا قارسى مىڭداعان ادام ەل كوشەلەرىنە شىقتى، دەپ حابارلايدى "ادىرنا" ۇلتتىق پورتالى.
ونىڭ ۇستىنە، قازىردىڭ وزىندە بىرقاتار شتاتتاردا تۇسىك جاساتۋ قۇقىعى جويىلعان.
«مەنىڭ دەنەم - مەنىڭ تاڭداۋىم» دەپ ۇرانداعان ادامدار نيۋ-يورك، لوس-اندجەلەس، چيكاگو، فيلادەلفيا، دەنۆەر، سان-فرانتسيسكو، پورتلەند، سيەتل جانە باسقا دا كوپتەگەن اقش قالالارىنىڭ كوشەلەرىن شۋلاتۋدا.
ابورت جاساۋعا رۇقسات بەرەتىن زاڭ كۇشىن جويعان جوعارعى سوت عيماراتىنا امەريكالىقتار دا جينالدى.
جوعارعى سوتتىڭ شەشىمىن قولداعاندار دا كوشەگە شىقتى. ولار 24 ماۋسىمدى مەرەكە كۇنى دەپ اتادى. جاساندى تۇسىك جاساتۋعا قارسى بەلسەندىلەر جاساندى تۇسىك جاسايتىن ەمحانالاردىڭ الدىنا جينالىپ، سول جەردە ميتينگ وتكىزدى.
جاساندى تۇسىك جاساتۋ قۇقىعىنا كەپىلدىك بەرەتىن زاڭنىڭ توقتاتىلاتىنى كۇنى كەشە بەلگىلى بولدى. زاڭ ەندى ابورتقا تولىعىمەن تىيىم سالادى.
