بولات وتەمۇراتوۆ ەلىمىزدە ەڭ باي ادامداردىڭ ءبىرى. ولاردىڭ اينالىسپايتىن بيزنەسى جوق. بوكەڭ قازاقستاندا التىن وندىرەتىن RG Gold جانە RG Processing كومپانيالارىنىڭ اكتيۆتەرىنە يەلىك ەتەتىنى بەلگىلى، دەپ حابارلايدى “ادىرنا” ۇلتتىق پورتالى Dalanews.kz سايتىنا سىلتەمە جاساپ.
ول التىن ءوندىرۋ بيزنەسىن ورىستەتۋ ءۇشىن قازاقستان دامۋ بانكىنەن يندۋستريالدى-يننوۆاتسيالىق دامۋ باعدارلاماسى اياسىندا 2010-2014 جىلدارى جانە 2015-2019 جىلدارى جالپى 126,8 ملرد تەڭگە نەسيە العانى ءمالىم بولدى.
التىن ءوندىرىسى ەلىمىزدەگى ەڭ تابىستى سالالاردىڭ ءبىرى دەسەك ارتىق ايتقاندىق بولماس. بىراق سول جىلدارى قازاقستان دامۋ بانكى كوپتەگەن ماسەلەلەردى اتتاپ ءوتىپ، وليگارحتىڭ التىن ءوندىرىسىن قولداۋعا قوماقتى نەسيە بولگەنىن تۇسىنىكسىز. وسىدان كەيىن قازاقستان دامۋ بانكى نازارباەۆ وتباسىنا جاقىن ادامداردىڭ ءاميانىنا اينالىپ كەتتى دەگەن اڭگىمەنى تۇسىنۋگە بولادى.
Shishkin_like كانالى RG Gold, RG Processing كومپانيالارى نازارباەۆ وتباسىنا جاقىن جۇرەتىن بولات وتەمۇراتوۆقا تيەسىلى ەكەنىن جازىپتى. بوكەڭ مەملەكەتتىڭ قولداۋى ءۇشىن بولىنگەن قوماقتى قارجىنى سول كەزدە «تەمىربانك» (قازىرگى «ForteBank») ارقىلى قۋىپ كەلگەن عوي.
2022 جىلداعى مامىر ايىنداعى جاعداي بويىنشا 64 جاستاعى بولات وتەمۇراتوۆ 2,8 ملرد دوللار بايلىعىمەن ەلىمىزدەگى باي ادامداردىڭ تىزىمىندە التىنشى ورىنعا جايعاسقان.
ForteBank-ءتىڭ 89,35%-ى (بانكتىڭ كاپيتالى 277,7 ملرد تەڭگەنى قۇراسا، جالپى اكتيۆى 2,42 ترلن تەڭگەگە جەتكەن), بۇدان باسقا «كار-تەل» جشس-نىڭ 25%-ى، «Sky Mobile» كومپانياسىنىڭ 49,9%-ى بوكەڭنىڭ يگىلىگىندە ەكەنىن ايتا كەتۋىمىز كەرەك.
“ادىرنا” ۇلتتىق پورتالى
